ကျိန်စာ

စာတွေပြန်ဖတ်ရင်း ကျောက်စာဝန်တော်စိန်ခိုရဲ့  လွှတ်တော်မှတ်တမ်းကို ဖတ်မိပါတယ်။ အဲ့အထဲကမှ သစ္စာတော်ပေးအမိန့်တော်ပြန်တမ်းကို ဖတ်မိတော့........

လွှတ်တော်မှတ်တမ်း ပါ သစ္စာတော်ပေးအမိန့်တော်ပြန်တမ်းရဲ့  အရေးသားက ရှင်းပါတယ်။
အလွယ်တကူပဲ ဖတ်လို့ရပါတယ်။
သစ္စာတော်ပေးတဲ့ပြန်တမ်းမို့ သစ္စာခံသူတွေရဲ့စိတ်ကို ချုပ်ထိန်းတဲ့နေရာမှာ အာဏာသံ၊အမိန့်ပေးသံကိုပေါ်လွင်အောင်ရေးသားထားပါတယ်။

တခြားအရာတွေရေးချင်ပေမယ့် ကျိန်စာနဲ့ပတ်သက်လို့ပဲလို့ခေါင်းစဉ်တပ်ထားတော့ကျိန်စာကိုပဲပြောရအောင်။

ငါ့ကျေဇူးသစ္စာတော်တိုင်းမတည်ဘဲ ဖောက်ပြန်ရင်လေးအသင်္ချေနှင့်ကမ္ဘာတစ်သိန်း ပါရမီဆယ်ပါးအပြား၃၀ဖြည့်ခဲ့ကျင့်ခဲ့သော ဘုရားသခင်ကိုယ်တော်မြတ်ကိုစောင့်သောနတ်သတ်၍သေစေ။

သွားတော်၄၀ စွယ်တော်၎ချောင်း ညှပ်ရိုးတော်၁ချောင်းဓါတ်ပေါင်းရှစ်စရွတ်ကိုစောင့်သောတဲ့နတ် သတ်လို့သေစေ။

လက်ျာရံ ရှင်သာရိပုတ္တရာ၊ လက်ဝဲရံရှင်မောဂ္ဂလန်စသော အသိတိရှစ်ကျိပ် ရဟန္တာအရှင်မြတ်တို့၏ ဓါတ်တော်မွေတော်ကိုစောင့်တဲ့နတ် သတ်လို့သေစေ။

ဘုရားသခင်ဟောတော်မူသော ၀ိနည်း၅ကျမ်း၊သုတ်သုံးကျမ်း၊ အဘိဓမ္မာ ၇ ကျမ်း၊ ပိဋကတ်သုံးပုံ ဓမ္မက္ခန္တာအပေါင်း ရှစ်သောင်းလေးထောင်ကျမ်းကိုစောင့်သောနတ်လည်း မနေနိုင်ဘဲသတ်စေ။

သာမဗေဒင် ယဇုဗေဒင် ဣရုဗေဒင် အထဗ္ဗနဗေဒင်စတဲ့ ဗေဒင်၎ပုံကိုစောင့်သောနတ်လည်း သတ်စေ။
သာသနာတော်ငါးထောင်ကို စောင်တဲ့နတ်လည်းသတ်စေ။

ကျွန်းကြီး၎ ကျွန်း၊ ကျွန်းငယ်နှစ်ထောင်စတဲ့ကျွန်းအပေါင်းကိုစောင့်တဲ့နတ်လည်းသတ်စေ။

မြစ်ကြီးငါးသွယ်၊ မြစ်ငယ်ငါးရာ၊ အင်းအိုင်ချောင်းမြောင်းအပေါင်းကိုစောင့်တဲ့နတ်လည်း မနေဘဲ သတ်စေ။

ဟိမ၀န္တာ တောသုံးထောင်အပါ အာကာသကိုအစိုးရတဲ့နတ်၊ ဗိဿနိုးနတ်၊ ဘုတ်ပြိတ်နတ်လည်း မနေဘဲ သတ်စေ။

ထို့ပြင် နတ်အများသတ်၍တာတောင် မသေသေးဘဲသွေးခဲသွေးနက် ပွက်ပွက်ထွက်၍ ကိုယ်လက်ပြောင်းပြန် သွေးခဲအန်၍ သေစေ။

ဘေးရှစ်ပါး ဒဏ်၁၀ပါးကြောင့်လည်း လတ်လတ်ချက်ချင်းသေစေ။

သားစဉ်မြေးဆက် ဥစ္စာပစ္စည်းလည်း မကြာခဏပျက်ဆီးပြီး ဆီးမီးတန်ဆောင် တုံးသွားသကဲ့သို့  အကုန်မကြွင်းမကျန်ပျက်ဆီးခြင်းသို့ရောက်စေ။

ဒါမှမဟုတ် ရေလမ်းခရီးသွားရင်လည်း ရေသတ္တ၀ါဆယ်ကုဋေရှိတဲ့အထဲမိကျောင်း၊လင်းပိုင်၊ နောက်ဆုံး ညံသတ္တ၀ါအထိ စားခြင်းခံရပြီးသေစေ။

ကုန်းလမ်းခရီးကသွားရင်လည်း သစ်၊ကျား၊ဆင်၊ရဲ၊စိုင် စတဲ့ ကိုးကုဋေသော သတ္တ၀ါတို့စား၍ သေစေ။
မြွေပွေး၊မြွေဟောက်၊ ငန်းကျား၊ ငန်းပြောက်အပါဝင် ပေါက်၍သေစေ။

အဲ့လို နတ်တွေကသတ်၊ သဘာဝဘေးအန္တရာယ်နဲ့သေ၊ ဒါမှမဟုတ် သတ္တ၀ါတွေစားခြင်းခံရကာ သေပြီးနောက်
ငရဲကြီးရှစ်ထပ်၊ ငရဲငယ်တစ်ရာနှစ်ဆယ့်ရှစ်ထပ်၊တိရန္တာန်ပြိတ္တာ အသူရကယ်အပါယ်၎ပါးအထိ ရောက်စေ။

ထို့နောက် ငရဲကလွတ်လာလို့ လူပြန်ဖြစ်ခဲ့ရင်လူချင်းမတူ နူဖြူနူဆွတ် မုန်ညှင်းပွတ်အဆင်း ခရုသင်းစွဲပြီး ဘက်သကပ် ဘက်သခြာ အနာလည်းစွဲစေ။

ထို့ပြင် မိခင် ဖခင်လို့ဘယ်လောက်ပဲပြင်းပြင်းထန်ထန်ခေါ်စေကာမူကွေးသောလက်မဆန့်ခင် ဆန့်သောလက်မကွေးခင် သေစေ။

ဒါ့အပြင် မင်းပြစ်မင်းဒဏ် အမတ်ဗိုလ်ပါတို့၏အပြစ်စွဲရာကနေခြေလက်မပြတ်တပြတ် လည်ဦးခေါင်းလည်း ထောင်းထောင်းကြေပြီး လတ်တလောချက်ချင်းသေစေ။

မဟာသမုဒ္ဒရာပင်လယ်ပြင်ကြီးတွင်သင်္ဘောကြီးမျောပါပျက်ဆီးသလိုအစိတ်စိတ်အမြွာမြွာကွဲသေစေ။
ဝါဂွမ်းတစ်လှည်းကိုမီးဖုတ်သော လက်တစ်ဆုတ်စာမျှမရသလိုဖြစ်စေ။

သားစဉ်မြေးဆက် ကျေးကျွန်အဆုံး အဆင်းရဲကြီးဆင်းရဲပြီးခွက်စွဲကာ စားချင်သမျှ တောင်းစားရာဘ၀ကျရောက် လူလည်း အလှတရားမရှိဘဲ လူပြိတ္တာ ဖြစ်စေ။

နောက်ဆုံး ရှိရှိသမျှ အရာတွေနဲ့ကျိန်စာတိုက်လို့အားမရဘဲ
မင်းအနန္တသူကျောက်စာပါ ကျိန်ဆိုခြင်းကဲ့သို့ ထင်းကိုမီးလောင်ရာ တစစ တိုသလို တိုစေ။

ဆိုပြီး ကျိန်ဆိုခြင်းကို နိဂုံးချုပ်ထားတယ်။

ဒီ ကျိန်စာက ကျောက်စာပါ ကျိန်စာမဟုတ်ဘူး။ အမိန့်တော်ပြန်တမ်းက ကျိန်စာဖြစ်တော့ ရွတ်ဆိုသူ နားထောင်သူတွေရဲ့ စိတ်ကို
ကြောက်ရွံ့ ထိတ်လန့်အောင်ရေးထားတာတွေ့ရတယ်။အကြောင်းအရာတွေကိုပုံစံတူထပ်ကာထပ်ကာရေးခြင်းအားဖြင့် သစ္စာကိုမဖောက်ဖြစ်ဘဲ အမှတ်ရနေအောင်ရေးသားထားတာတွေ့ရတယ်။
အဘက်ဘက်ကဘယ်လိုမှ ရုန်းလို့မရ လွတ်လမ်းမရှိအောင်ကျိန်ဆိုထားတယ်။

လွှတ်တော်မှတ်တမ်းပါ သစ္စာတော်ပေးအမိန့်တော်ပြန်တမ်းကိုဖတ်ရင်း အောက်ဆုံးကျိန်စာမှာ မင်းအနန္တသူကျိန်ဆိုသလို ဆိုတဲ့အသုံးပါလာပါတယ်။
ဒီနေရာမှာ မင်းအနန္တသူကဘယ်လိုကျိန်လည်းဆိုတာကို လိုက်လေ့လာကြည့်တော့ ............

ကိုယ်ကပဲညံ့တာလားတော့မသိဘူး ကျိန်စာကိုမတွေ့ဘဲ ဆုတောင်းစာပဲတွေ့တယ်......

ဒါနဲ့ တစ်ဆက်တည်း ကျန်တဲ့ကျောက်စာတွေက ကျိန်စာတွေကို ဆက်ဖတ်ကြည့်တော့............

ပုဂံခေတ်ကျောက်စာထဲက ထင်ရှားကျော်ကြားတဲ့ရာဇကုမာရ်ကျောက်စာမှာ

ငါ့နောင်အား ငသာလည်ဂေါင်၊ ငါမ္လိယ်လည်ဂေါင်၊ငအဆုယ်လည်ဂေါင်၊ သူတစ်ထူလည်ဂေါင်၊ ဣယ်ပုရှာအာ ငာလှူခသု ကျောန် အနှိပ်အစက်တေယ်မူမုကာ။အရိမိတ္တယာပုရှာသ္ခင်အဖူရစိယ်။

ဆိုပြီး ကျိန်စာကိုတိကျအောင်ရေးပြီးငါလှူခဲ့တဲ့အလှူနဲ့တကွကျွန်တို့ကိုဖျက်ဆီးခဲ့ရင် အရိမေတ္တေယျဘုရားသခင်ကိုမဖူးစေ ဟု ရိုးရိုးပဲကျိန်ဆိုခဲ့တာတွေ့ရတယ်။ 

ပုဂံခေတ်ကျောက်စာထဲကပဲ တူရွင်းတောင်ဘုရားကျောက်စာထဲမှာတော့
အလှူရှင်က သူလှူခဲ့တဲ့အလှူကိုဖျက်သူဟာမိမိဆွေမျိုး၊ သားမြေးမြစ်ဖြစ်စေ သူစိမ်းဖြစ်စေ မခွဲခြားဘဲ ညီတူမျှတူအပြစ်ခံစေရန်

သာမ္လိယ်(တွ)င်လည္ကောင် သုလည္ကောင် လုစမုကာအ၀စိယ်ကာအာထက် လုစ(မု)သောကာ သြက်ဖ္လစ်စိယ်သာတေ။

ဆိုပြီး သားပင်ဖြစ်စေ သူတစ်ပါးဖြစ်စေအလှူကိုလုစားလျှင် အ၀ီစိကားအထက် လုစားသူကအောက်ဖြစ်စေ လို့ကျိန်ဆိုခဲ့တယ်။ ဒီကျောက်စာမှာတော့ပုဂံသားတို့ ဗုဒ္ဓဘာသာကိုနားလည်ပြီး အ၀ီစိငရဲကိုကြောက်ရွံ့ တဲ့ ခံစားမှုကိုတွေ့ရမှာပါ။

ပုဂံခေတ်ကျောက်စာထဲက ထင်ရှားတဲ့ ညောင်ရမ်းကြီးသမီးကျောက်စာ( မြောက်ဘက်ကျောက်ချပ် ) မှာတော့ ကျိန်စာက အဆင့်မြင့်လာတာတွေ့ရတယ်။

ညောင်ရမ်းကြီးသမီးက ခင်ပွန်းဖြစ်သူကင်္ကသူအနိစ္စရောက်ပြီး သုံးရက်မြောက်မှာအလှူကြီးပေး ရေစက်သွန်းချအလှူပြုပုံကိုရေးထိုးတာဖြစ်တယ်။ဒီကျောက်စာမှာအလှူပြုရခြင်းရည်ရွယ်ချက်၊အလှူပစ္စည်းစာရင်း၊ အလှူပြုပုံအဆင့်ဆင့်ကိုရေးထိုးထားပြီး၎င်းလှူထားသောကျောင်း၊လယ်နှင့်ကျွန်တို့ကိုလုယက်ဖျက်ဆီးသူသည်

လုစလတ်သော နိုင်ထက်ဖျက်ဆီလတ်သောသူကာ။မ္လစ်သြက်ဖက်မှသော က္လောက်စာတွင် ဖုန်မကြီစိယ် အသက်မရှည်စိယ်သတေ။ဟုသကစသော မျာစွာသော ငာကိန်သောအကိန်သင်ရုယ်။ ဥိခောင်္ထာရာမသီ ပျက်စီပြုန္တီရုယ် နှစ်မကူ လမပ္လန် ကြီစွ၂သော ဖိုယ်ဖျံရောက်ရုယ်သိယ်စိယ်သတေ။

ဟု လုစားသောသူ နိုင်ထက်ဖျက်ဆီးသောသူကားဘုန်းမကြီးပါစေနှင့်၊ အသက်မရှည်ပါစေနှင့် စသဖြင့် မြောက်ဘက်ရှိကျောက်စာတွင်ရှိ သူကျိန်ထားသောအကျိန်ပေါင်းများစွာသင့်၍ ဦးခေါင်းထားရာ မသိပျက်ဆီးပြုန်းတီးပါစေ။ နှစ်မကူးလ မပြန့်ကြီးစွာစွာသောဘေးသင့်သေပါစေ။လို့ကျိန်ဆိုခဲ့တာတွေ့ရမယ်။

ညောင်ရမ်းကြီးသမီးကျောက်စာ (တောင်ဘက်ကျောက်ချပ်) မှာလည်း ကျိန်စာတစ်မျိုးကိုထပ်တွေ့ရသေးတယ်။
တောင်ဘက်ကျောက်ချပ်ကကျိန်စာက ပိုစိတ်ဝင်စားဖို့ကောင်းတာတွေ့ရတယ်။

ငာဆုယ်တွင်္ကျင်လည်ကောင် ငသ္ခိင်မင်ဧအဆုယ်တွင်ကျင်လည္ကောင်ပ္လသူင်္လည်ကောင် ရဟန်လည်ကောင် လူလည်ကောင် မိယ္မ်လည်ကောင် ယောက္ကျာလည်ကောင်။ လုစလတ်သော နိုင်ထက်မူလတ်သောသူကာ။လူတွင်ဖုန်မကြီစိယ် အသက်မရှည်စိယသတေ။ မိဖိုယ် ရိယ်ဖိုယ် မုကြိုင်ပုဆိန်ဖိုယ် ဆင်ဖိုယ်မြင်ဖိုယ် မြုယ်ဖိုယ် သစ်က္လာလ၀ံဖိုယ် သမာကုရှယ်မတတ် ရျာသောအနာဖိုယ်ကြီစွာ၂ လျှင်္သရုင်္ယ်ဖတ္တလတ်သိယ်စိယ်သတေ။သုခဲအန်ရုယ်သိယ်စိယ်သတေ။ သိယေ်ာသလေ အ၀ိစိယ်မည်သော ငြယ်ကြီလျှင်္ကျက်စိယ်သတေ။ ပုရှာအဖ္လစ်၂လေမဖူစိယ်သတေ။ကြံမာအာ လူဖ္လစ်ငြာတုံသောလေ။ နူသောဝယ်သော ကီသောကန်သော နာပင်္သော အသောရူသော ထုံလှီသော ခြိယ်လက်တိုဝ်သောနာနှာခောင်တိုဝ်သော ပုဆိုဝ်ခြံလည်လျှင်ပတ်ရုယ် ဖုန်စသောလေ မစာရတတ်သော လူတွင်သူမခံသောကြံမာခံသော လူပြိတ္တာလျှင် ဖ္လစ္စိယ်သတေ။ မ္လိယ်ကြီကံဖာကာအထက် အယင်လုစသောသူကာ သြက်ဖ္လစ္စိယ်သတေ။

ဟု “ ငါ့အဆွေလည်းကောင်း၊ ငါ့ခင်ပွန်း၏အဆွေလည်ကောင်း၊ပြင်လူလည်းကောင်း၊ ရဟန်းလည်းကောင်း၊လူလည်းကောင်း၊ မိန်းမလည်းကောင်း၊ယောက်ျားလည်းကောင်း၊လုစားလတ်သော၊နိုင်ထက်မူလတ်သောသူကားလူတွင်ဘုန်းမကြီးစေ အသက်မရှည်စေသတေး။ မင်းဘေးသင့်စေသတေး၊ မီးဘေး၊ရေဘေး၊မိုးကြိုး ပုဆိန်ဘေး၊ဆင်ဘေး၊ မြင်းဘေး၊ မြွေဘေး၊ သစ်ကျားလူဝံဘေး၊ ဆင်ဘေး၊ သမားကု၍ မတတ်ရာသောအနာဘေးကြီး စွာစွာလျှင်သင့်၍သေစေသတေး။ သွေးခဲအန်၍သေစေသတေး။ သေသော်အ၀ီစိ ငရဲကြီး၌ ကျက်စေသတေး။ ဘုရားအဖြစ်ဖြစ်လည်းမဖူးစေသတေး။ ကုသိုလ်ကံကြမ္မာအလျောက် လူဖြစ်ငြားတုံသော်လည်း နူသော ၊ ၀ဲသော ၊ ကျိုးသော၊ကန်းသော၊ နားပင်းသော၊ အသော၊ ရူးသော၊ တုံလှီသော၊ ခြေလက်တိုသော၊ နား၊နှာခေါင်းတိုသော၊ပုဆိုးကြမ်းလည်လျှင်ပတ်၍ ဖုန်း(တောင်း)စားသော်လည်း မစားရတတ်သော လူပြတ္တာလျှင်ဖြစ်စေသတေး။မြေကြီးကမ္ဘာကားအထက် အယင်လုစားသောလူကား အောက်ဖြစ်စေသတေး။

ဆိုပြီး ကျိန်စာမှာတိုတိုနဲ့ အချက်လက်စုံလင်စွာကျိန်ဆိုထားတာကို စိတ်ဝင်စားဖွယ်တွေ့ရမှာဖြစ်ပါတယ်။

ပုဂံခေတ် ဥဇနာမင်းလက်ထက် အသ၀တ်ဓမ္မာသင်္ချိုင်းဂူဘုရားကျောက်စာမှာလည်းထူးဆန်းတဲ့ကျိန်ဆိုနည်းကိုတွေ့ရပါတယ်။
(ကျောက်စာမူရင်းရှာမရလို့ ဒီနေရာမှာမူရင်းကိုထည့်မပြနိုင်တာ နားလည်ပေးစေချင်ပါတယ်။)

အသ၀တ်ဓမ္မာအမတ်ကွယ်လွန်တော့ ဇနီးဖြစ်သူစောလှဝန်းက သင်္ချိုင်းဂူဘုရားတည်ပြီးအလှူပြုပေးတဲ့မှတ်တမ်းဖြစ်ပါတယ်။
လှူဒါန်းထားတဲ့အလှူကိုဖျက်ဆီးသူကား

ဒေ၀ဒတ်ခံရသော ငရဲထက်ဆိုးသော အဆအရာ အဆရာအထောင်အဆအသိန်း တပြောင်းပြန်ပြန် ငရဲကျပါစေ။
လှူထားသောလယ်ကိုစားရသည်ရှိသော် ယောက်ျား၊မိန်းမတို့သည်အလျားအနံ အရပ်၆၀ အသွားထူသည့် ကျောက်ဖျာကြီးမှာ ခါးတိုင်အောင် နစ်နေသော ရေလဲမရအစာလဲမရလျှာငါးလံထွက်၍ခံစေ

ဟု ကြောက်မက်ဖွယ်ကောင်းတဲ့ကျိန်ဆိုနည်းကိုတွေ့ရပါတယ်။
ဒါတွေကတော့ ပုဂံခေတ်တစ်ခေတ်တည်းရဲ့  ကျောက်စာပါ ကျိန်စာများပါ။ ပင်းယခေတ်၊ အင်းဝခေတ် ကျောက်စာတွေမှာလည်း ကျိန်စာရေးထိုးတဲ့ဓလေ့က ရှိပါတယ်။
စာအုပ်အခက်အခဲကြောင့် ထည့်မရေးတော့ပါဘူး။

လွှတ်တော်မှတ်တမ်းကိုဖတ်နေရင်း  ဒီကျိန်စာကိုဖတ်မိပြီးသကာလ ထားဝယ်ဒေသဘက်မှာ လယ်ယာမဲ့သွားတဲ့
လယ်သမားတွေရဲ့  လယ်မြေသိမ်းလိုက်တဲ့သူတွေအပေါ် ကျိန်ဆိုတဲ့သတင်းကိုသတိရသွားတယ်။ ကျိန်ဆိုတယ်ဆိုတာရှေးယခင်ခေတ်က ကျောက်စာတွေမှာပဲတွေ့ရတဲ့ အမှုကိစ္စပါ။
ရှေးခေတ် ပုဂံခေတ်ကစလို့  ဘုရားတစ်ဆူ၊ အလှူတစ်ခု ပြုလုပ်ပြီးသွားရင်  ကျောက်ထက်မှာမှတ်တမ်းတင်ရေးထိုးရင်း အလှူကိုရေရှည်တည်တံ့စေရန်မှတ်တမ်းတင်လေ့ရှိတယ်။ ဒီလိုမှတ်တမ်းတင်တဲ့နေရာမှာလည်း အလှူရှင်ရဲ့အမည်၊
အလှူပြုလုပ်တဲ့ခုနှစ်၊ ရေးထိုးတဲ့ခုနှစ်၊အလှူပြုလုပ်ရခြင်းရည်ရွယ်ချက်၊ အလှူပြုလုပ်ပုံအဆင့်ဆင့်၊ အလှူစာရင်း၊ အလှူပြုပြီးနောက်ဆုတောင်း နဲ့ ဒီအလှူကိုဖျက်ဆီးသူတွေမပေါ်အောင် ကျိန်စာရေးထိုးပြီး ထားခဲ့ကြတယ်။
ဒါကြောင့်လည်း ယခုခေတ်အချိန်ထိ ကျောက်စာပါအချက်လက်တွေကို လေ့လာလို့ရနေတာပဲလေ။
ကျိန်စာကိုလေ့လာကြည့်ရင် ပြုခဲ့တဲ့အလှူကိုမဖျက်ဆီးအောင်၊ ဖျက်ဆီးမခံရအောင် နောင်ရေရှည်တည်တံ့အောင် ရည်ရွယ်ရေးထိုးခဲ့တာတွေပါ။
ခုတလောဖတ်ဖြစ်ခဲ့တဲ့ ကျိန်စာတိုက်ခြင်းကတော့မိမိပိုင်ဆိုင်တဲ့အရာကိုမတရားသိမ်းယူခြင်းခံရတဲ့အတွက်ကြောင့် သက်ဆိုင်ရာအစိုးရနဲ့သက်ဆိုင်သူကိုကျိန်စာတိုက်ခြင်းဖြစ်နေတယ်။
သြော်……..ခေတ်ကြီးပြောင်းလာတာနဲ့အမျှအယူအဆ အလေ့အကျင့်တွေပါ ပြောင်းလဲလာပါလားလို့တွေးမိနေရင်း..............


ဝန်ခံချက်............
နားလည်သလောက်မှတ်ထားသလောက်ပဲ လေ့လာထားတဲ့ ဆောင်းပါးတစ်ပုဒ်မျှဖြစ်ပါတယ်။ တတ်လွန်းလို့ ရေးထားခြင်းမဟုတ်ရပါ။ ထို့ကြောင့် အမှားများ ပါခဲ့ပါက ကျွန်မ မဂျီးဂါယောင်း၏ ညံ့ချက်သာဖြစ်ပါကြောင်း.............

နွေမိုးဆောင်း
၁၄.၂.၂၀၁၄
မနက်၂နာရီတွင်ရေးသားပြီး၍
နေ့လည် ၁နာရီတွင် မှတ်တမ်းတင်ပြီးသည်။