မြစ်ပြင်ပေါ်မှာ

ဇွန်လ၏ ညနေခင်းတစ်ခုဖြစ်သဖြင့် ဧရာဝတီမြစ်ရေသည် မြင့်တက်စပြုနေပြီ။ မိုးနည်းပါးသောပုဂံညောင်ဦးဒေသတွင် ဇွန်လသည် ပူပြင်းခြောက်သွေ့ဆဲဖြစ်၏။ သို့သော် မိုးရိပ်လေရိပ်တော့

ဆင်စပြုပြီ။ တစ်ခါတစ်ခါ မိုးသက်လေပြင်းများကြောင့် လှိုင်းထန်လေထန်တတ်သောအချိန်ဖြစ်သည်။  ထိုနေ့ညနေက ဧရာဝတီမြစ်ရေပြင်၌ လှိုင်းကြီးခဲ့သည်။

ညောင်ဦးသူဖြစ်သည့်အတိုင်း ကျွန်မသည် အနယ်နယ်အရပ်ရပ်မှ သူငယ်ချင်းများ…မိတ်ဆွေများ….ပုဂံသို့ဘုရားဖူးလာတိုင်း  ပုဂံဘုရားများသို့ လိုက်ပို့ရှင်းပြနေကျဖြစ်သည်။ ………..ထိုရက်ကတော့ ကျွန်မလိုက်ပို့ရှင်းပြရသည့် ဧည့်သည်မှာ ကျွန်မ၏ချစ်သူဖြစ်နေသည်။ ထို့ကြောင့် သူသွားချင်သည့် ဘုရားများသို့ မြင်းလှည်းဖြင့်တစ်မျိုး ….စက်ဘီးဖြင့်တစ်မျိုး ကျွန်မလိုက်ပြခဲ့ပါသည်။ သူက ညောင်ဦးဘက်က ဘုရားများသို့ ရောက်ဖူးချင်သည် ဟု အဆိုပြုလာသည်။ ညောင်ဦးဘုရားများအနက် ဘုရားဖူးများရောက်နေကျမှာ ရွှေစည်းခုံဘုရားသာဖြစ်သည်။ သူကတော့ သကျမုနိ၊ ကုန်းတော်ကြီးဘုရား….ကျောက်ဂူဥမင်တို့ကိုရောက်ချင်သည်ဟု ဆိုပါသည်။ သူပြောသည့်ဘုရားများသည် ညောင်ဦးကမ်းပါးနားတွင် စီတန်းလျက်တည်ရှိသဖြင့်….ထို့ပြင် ကားလမ်းဖြင့်သွားဖို့လည်း ခက်ခဲလှသဖြင့် ကျွန်မက ရေလမ်းကိုရွေးချယ်စေပါသည်…စက်တပ်မော်တော်လေးတစ်စင်းငှားပြီး ကျွန်မနှင့်မြို့ ခံသူငယ်ချင်းတစ်ယောက်အဖော်ခ်ါကာ သူ့ကိုစိတ်ပါလက်ပါ ကျွန်မလိုက်ပို့ပေးခဲ့သည်။

သူက သမိုင်းအဓိကဖြင့် ကျောင်းတက်နေသည့် ၀ိဇ္ဖာကျောင်းသား….ကျွန်မက ရူပဗေဒအဓိကဖြင့် ကျောင်းတက်နေသည့် သိပ္ပံကျောင်းသူ….သို့သော် ရှေးဟောင်းပုဂံဘုရားများအကြောင်းဆွေးနွေးပြောဆိုရာတွင်တော့  ကျွန်မနှင့်သူ အသိပညာနှင့် စိတ်ဝင်စားမှုချင်း တော်တော်နီးစပ်စွာဖလှယ်နိုင်ကြပါသည်။

မော်တော်ပေါ်တွင် ဘုရားတွေအကြောင်း…..ဘုရင်တွေအကြောင်း…ရောက်တတ်ရာရာပြောဆိုရင်း သူနှင့်ကျွန်မတလှည့်စီဓါတ်ပုံရိုက်လျက် ပျော်ရွှင်ခဲ့ကြသည်။ ကမ်းစပ်မှာ မော်တော်ကိုရပ်လျက် သဲချောင်းကလေးရှိရာသို့ ကုန်းမြင့်ဆင်ခြေလျောအတိုင်း ကျွန်မတို့ဖြတ်သွားရသည်။ ရေမရှိသောသဲချောင်းကလေးကိုရောက်တော့ ထိုသဲပြင်များအတိုင်း ချောင်းတစ်လျှောက် ခရီးဆက်ကြရသည်။ ဘေးပတ်ဝန်းကျင်သည် ငှက်မြည်သံပင်မကြားရအောင်တိတ်ဆိတ်လျက်….ချောင်းရိုးတစ်ဖက်တစ်ချက်ရှိ သစ်ပင်များထံမှ သစ်ရွက်စိမ်းရနံ့စိုစိုကို အားရပါးရ ရှူရှိုက်လျက် ကျွန်မတို့၏ ရယ်မောသံများသည် တောင်ကမ်းပါးယံများအထိ လွင့်ပျံနေခဲ့ဖူးပါသည်။ ဥမင်မှအပြန်တွင် ကုန်းတော်ကြီးဘုရားအနီးမော်တော်ကိုခဏရပ်စေပြီး ကျွန်မတို့ဘုရားရှိရာကုန်းမြေဆီသို့တက်ကြရပြန်သည်။

နယ်မြေမကျွမ်းကျင်သောကြောင့် မကြာခဏ ဆူးစူးလျက် တအားအားအော်နေခဲ့ရသည့် သူ့ကိုကြည့်ကာ ကျွန်မသူငယ်ချင်းက ရယ်မောနိုင်ခဲ့သော်လည်း ကျွန်မက မရယ်မောနိုင်ခဲ့ပါ………သူ့ခြေထောက်မှာ စူးနေသည့် ထနောင်းဆူးနှင့် ကန္တရဆူးတို့ကို ကျွန်မမကြာခဏနှုတ်ပေးရ၏။ ….“ နောက်တခါကျရင် ကိုယ့်နောက်ကနေ ကိုယ်ခြေလှမ်းအတိုင်း လိုက်လှမ်းကွာ…..မဟုတ်ရင် ဆူးထပ်စူးနေဦးမယ်….ကြားလား ….” သူကကျေကျေနပ်နပ်ခေါင်းညိတ်ကာ သဘောတူခဲ့သည်။

အပြန်ခရီးတွင် သကျမုနိဘုရားသို့ အသွားလမ်း၌ သူဆူးမစူးမီ ကျွန်မအရင်ဆူးစူးသွား၏။ ကျွန်မကတော့ ဆူးစူးတာ ရိုးနေပြီ ဟူသည့်မျက်နှာပေးဖြင့်အောင့်အီးမျိုသိပ်ကာနာကျင်မှုကို တင်းခံခဲ့ရသည်။ “ အံ့ရာ…ငါပဲရှေ့ကသွားမယ်…နင် ငါ့နောက်ကပဲလိုက်……..” သူက စိတ်မကောင်းဟန်ဖြင့် ညည်းညည်းညူညူပြောတော့ ကျွန်မ ကျေနပ်စွာပြုံးနေခဲ့မိသည်။

ကျွန်မတောင်ကုန်းမှအဆင်းတွင် ကျောက်စရစ်ခဲ့များဖြင့်ခြေချော်ကျလုနီးနီးဖြစ်နေသည်ကို ယခုထိ ကျွန်မသတိရနေသေးသည်။ “ ကိုမိုး…..ရှေ့ကဖယ်နော်…ကိုယ်ချော်ကျလာရင် ယူ့ကိုတိုက်မိပြီး နှစ်ယောက်လုံးလဲကျသွားလိမ့်မယ်…ဖယ်…….. ” 

“ ငါရှေ့ကခံထားတော့ နင်အကျသက်သာတာပေါ့ဟာ……ငါတမင် နင့်ရှေ့ကနေပေးတာ အံ့ ရဲ့ …ရဲရဲသာဆင်းခဲ့…ငါရှိတယ်……… ” ထိုအခါ ကျွန်မစိတ်ကြည်နူးချမ်းမြေ့သွားသော်လည်း သူမသိအောင် ဟန်ဆောင်ချင်သေးသည်။

“ ဟား…ဟား…. လုံးဝမယုံဘူးနော်..ခြေချော်ကျသွားရင် ယူက ဘေးကိုချက်ချင်းရှောင်ပစ်လိုက်မှာ မဟုတ်လား …” ကျွန်မတို့ တဟား…ဟား ….ရယ်မောခဲ့ကြသည်… ကျွန်မခြေချော်မကျခဲ့ပါ……….. ထို့ကြောင့် သူ ကျွန်မကို ဆီး၍မဖမ်းဘဲ ဘေးရှောင်တိမ်းပစ်မည်….မပစ်မည်ကို ကျွန်မမသိနိုင်ခဲ့ပါ………….

အပြန်ခရီးတွင် မော်တော်သည် ကျွန်မအားစိုးရိမ် သောကရောက်အောင် ဖန်တီးပေးလိုက်ပါသည်။

ဟိုဘက် သည်ဘက်က တောင်ကမ်းပါးယံများ မိုးရေတိုက်စားသောကြောင့် ဒေါင်လိုက်ကွဲပြတ်နေသော မြေလွှာများ လိုဏ်ခေါင်းသဖွယ်ဖြစ်နေသော လူတစ်ကိုယ်ဝင်သာစရာ ဂူများ စသည်တို့ကို ကျွန်မတို့ ငေးမောလျက် မြစ်ပြင်ကိုဖြတ်တိုက်လာသော ကြမ်းတမ်းသည့်လေကို မျက်နှာမော့ခံယူလျက်….မော်တော်စက်သံကို နားထောင်လျက်..ကျွန်မတို့ စကားတစ်ခွန်းစ နှစ်ခွန်းစ ပြောလာကြသည်။

ထိုအချိန်မှာပင် မော်တော်စက်သံ ရုတ်တရက် ရပ်သွားခြင်းဖြစ်သည်။ သူက ခေါင်းထောင်ကြည့်ကာ “ ဘာဖြစ်တာလဲ ” ဟုလှမ်းမေးသည်။ “ စက်ရပ်သွားတာ……မကြာဘူးအစ်ကို……ခဏလေးပါ။ ”

 မော်တော်မှ အလုပ်သမားလေးနှစ်ယောက် စက်ပြန်နိုးဖို့ကြိုးစားစဉ်မှာ လေသည် မော်တော်ကို အရှိန်ပြင်းစွာတိုက်ခတ်လျက်ရှိသည်။ ရေလှိုင်းတို့သည် ရေလယ်တွင် ငြိမ်သက်သွားသော မော်တော်အား ၀ုန်းခနဲ ၀ုန်းခနဲ လာ၍တွန်းတိုက်လေသည်။ မော်တော်သည် ကမ်းနှင့် နီးနီးအနေအထားမှ တဖြည်းဖြည်းချာလည်လည်ကာ မြစ်လယ်သို့ရောက်သွားလေသည်။ ရေလှိုင်းတို့သည် မော်တော်အား အလျားလိုက် တွန်းလိမ့်နေသောကြောင့်မော်တော်က ဟိုဘက် သည်ဘက် ယိမ်းယိုင်ကာ လှိုင်းအတိုင်း နိမ့်ဆင်းလိုက်  မြင့်တက်လိုက်ဖြစ်လာသည်။

ကျွန်မသည် မကြောက်သလို ဟန်ဆောင်၍ ပြုံးနေရသော်လည်း ရင်ထဲမှာ တဒိတ်ဒိတ်ခုန်ကာ စိုးရိမ်ပူပန်လှပြီ…..လှိုင်းတစ်ချက်ပုတ်လိုက်ရုံဖြင့် မော်တော် တိမ်းမှောက်သွားနိုင်သည်။ ကျွန်မ၏ သူငယ်ချင်းက ရေအနည်းအပါးကူးတတ်သည်။ ကျွန်မကတော့ ရေထဲရောက်သွားလျှင် ပလုံခနဲ မြုပ်သွားဖို့သိပ်အချိန်ကြာမည်မထင်ပါ။

ဘာကြောင့်မှန်းမသိ……ထိုသို့သောအခြေအနေတွင် ကျွန်မသည် ယခင်က ကြုံဖူးသမျှမြစ်၏အန္တရာယ်များနှင့် ကြားဖူးသမျှ မော်တော်သင်္ဘောတိမ်းမှောက်ခြင်း အသက်သေဆုံးခြင်းဘေးဒုက္ခများကိုသာမြင်ယောင်ကြားယောင်လျက် ထိတ်လန့်လာလေသည်။ဤထိတ်လန့်ခံစားချက်မျိုး ကျွန်မမကြာခဏ ခံစားခဲ့ရဖူးသော်လည်း တစ်ကြိမ်ပြီးတစ်ကြိမ် ကျွန်မအတွက် အသစ်ဖြစ်နေ၏။

သည်တစ်ခါမှာတော့ ကျွန်မအတွက် ကြောက်ရွံ့တုန်လှုပ်မှုအပြင် မျှော်လင့်ချက်ကလေးတစ်ခုပါ ပိုလာသည်။ ကျွန်မအနားတွင် ကျွန်မချစ်သူရှိနေသားပဲ ဟူသော မျှော်လင့်ချက်ကလေးဖြစ်သည်။ ထိုမျှော်လင့်ချက်ကြောင့်ပင် ကျွန်မသည် ဘေးအန္တရာယ်နှင့်ရင်ဆိုင်နေလျက်က စိတ်သက်သာရမှုကလေး အနည်းငယ်ကိုပါ ခံစားနေရသည်။ သူကျွန်မအနားမှာရှိသည်။ သူရေကူးတတ်သည်။ တစ်ခုခု အန္တရာယ်ကြုံလျှင် သူသည် သူ့ချစ်သူအတွက် အသက်ကိုစွန့်၍ ရင်ဆိုင်လိမ့်မည်။

တစ်ချီတွင် ကြီးမားသော လှိုင်းတစ်ခုက ကျွန်မနောက်ကျောဆီမှ ၀န်းခနဲ ခုန်တက်လာသည်။ မော်တော်သည် ကျွန်မနှင့်အတူ ရှေ့သို့ငိုက်ကျလျက် တိမ်းစောင်းသွားပြီး ရေလှိုင်းများ မော်တော်ထဲခုန်ဝင်ကာကျွန်မကိုယ်ခန္ဓာမှာ ရေရွှဲစိုသွားပါသည်။ ကျွန်မသည် အားခနဲ အော်ဟစ်လျက် မော်တော်ဝမ်းထဲသို့ဒူးထောက်လျက်ကျသွားသည်။

ရယ်သံသဲ့သဲ့ ကြားရသဖြင့် ကျွန်မမော့ကြည့်လိုက်တော့ သူသည် ကျွန်မရှိရာသို့ယိုင်ထိုးယိုင်ထိုးလှမ်းလာရင်း ရယ်မောနေသည်ကိုမြင်လိုက်ရပါသည်။

ကြည့်စမ်း……….ကျွန်မက သေမလောက်ကြောက့်ရွံ့ နေသည့်အချိန်တွင် သူကရယ်မောနေနိုင်သတဲ့လား………

“ စွန့်စားရတာကြိုက်တယ်ဆို….အံ့ ရဲ့ ….ခု ကြိုက်နိုင်သေးလား.”

ဒါ သူရယ်မောစရာလား။ သူ ကျွန်မအနားမှာဝင်ထိုင်ကာ ကျွန်ကို ဆွဲထူတော့ ကျွန်မသူ့ကိုစိမ်းစိမ်းကြည့်မိသည်။ သူ့မျက်လုံးများတွင် စိုးရိမ်ပူပန်သည့် အရိပ်အယောင်လုံးဝမရှိပါ။

“ ကိုမိုး………ယူ မကြောက်ဘူးပေါ့…”

သူက ပုခုံးတွန့်၏။

“ မကြောက်ပါဘူး။ မော်တော်မှောက်ရင် ကမ်းစပ်ကို ရေကူးသွားမှာပေါ့။ မော်တော်အောက်မှာပိမသွားဖို့ဘဲ အရေးကြီးတာပါ။ ”

သူ အံ့သြသလို မျက်လုံးပြူးသွား၏။ သို့သော် ချက်ချင်းပင် ပြုံးရယ်လိုက်သည်။

“ ဘာမှ မကြောက်ပါနဲ့။ မော်တော်ဘာမှမဖြစ်ပါဘူး။ ဖြစ်ရင်လည်းပျဉ်ချပ်တို့ဘာတို့ တစ်ခုခုသာ တွယ်ထား။ ဘယ်တော့မှ ရေမနစ်ဘူး။ ကြောက်လန့်တကြားဖြစ်ရင်သာ ရေနစ်တာ။ သိလား အံ့ ………..။ ”

ထိုစဉ်ခဏ ကျွန်မစိတ်သက်သာရာရအောင်ပင် မော်တော်စက်သံကို ပြန်ကြားလိုက်ရသည်။

မော်တော်စက်၏ ဆူညံသောအသံကို သည်တစ်ခါတော့ သာယာလှသည်ဟု ထင်မိသည်။

“ ကဲ………ဒီမှာ ငြိမ်ငြိမ်ထိုင်နေနော် အံ့ ”

မော်တော်သည် မြစ်လယ်မှာ လှိုင်းဒဏ်ဖြင့်လူးလိမ့်နေရာမှ ပြန်လည်တည့်မတ်သွားသည်။ ထို့နောက်စက်သံတဒီဒီဖြင့် ရေပေါ်မှာ စတင်ပြေးလွှားစပြုလေသည်။ တစ်ချက်တစ်ချက် လှိုင်းဒဏ်ကြောင့်ခုန်ခုန်သွားသေးသော်လည်း မော်တော်သည် ရေပေါ်မှာ သူ့လမ်းကြောင်းနှင့်သူ ပြေးလွှားလျက်ရှိသည်။

သူက ကျွန်မအနားမှာခွာဖို့ ခြေလှမ်းပြင်ပြန်သည်။ ကျွန်မသူ့လက်မောင်းကို ဖျက်ခနဲ ဖမ်းဆွဲထားလိုက်၏။

“ ကိုမိုး….ဒီအနားမှာပဲနေ….”

ခပ်တိုးတိုးပြောတော့ သူကခေါင်းတစ်ချက်ကုတ်လိုက်သည်။

“ မော်တော်ဘာမှမဖြစ်တော့ဘူးလေ အံ့ ။ အခုပဲ ကမ်းကပ်တော့မှာ ”

သူ့မျက်နှာမှာ စောစောကလည်း ပူပင်ရိပ်မရှိ။ အခုလည်း သည်အတိုင်းပင်ဖြစ်သည်။

“ ကိုမိုး………တကယ်လို့မော်တော်မှောက်သွားပြီ ဆိုပါတော့……..ကိုမိုးဘာလုပ်မလဲဟင် ”

ကျွန်မခပ်တိုးတိုးမေးတော့ သူ ကျွန်မကို ငုံ့ကြည့်ပြီးပြုံးသည်။

“ ကမ်းစပ်ကို ကူးပြေးမှာပေါ့ အံ့ ရဲ့ …. ”

ကျွန်မရင်ထဲ ကျင်ခနဲ နာသွားပါသည်။

“ ကိုယ့်ကိုမကယ်ဘဲ တစ်ယောက်တည်း ကူးပြေးမယ်…..ဟုတ်လား ”

ထိုအခါကျမှ သူက ပြုံးရယ်၍ ကျွန်မကို နှစ်သိမ့်သည်။

“ ဟာ…………အေး………ဆောရီး အံ့ရာ…။ ငါက နင်ရေမကူးတတ်တာမေ့သွားလို့ပါ။ တကယ်ရေနစ်ပြီ ဆိုရင် နင့်ကိုငါတွဲပြီး ကူးပြေးမှာပါ။ ”

အခုစကားပြောနေချိန်မှာပင် ကျွန်မရေမကူးတတ်ကြောင်းသူမေ့နေပါက အသက်အန္တရာယ်နှင့် ရင်ဆိုင်ရသည့် အချိန်တွင် ကြောက်လန့်တကြား သူပို၍ မေ့မှာသေချာပါသည်။ ကျွန်မ သူ့မျက်လုံးများကိုစေ့စေ့စပ်စပ် ကြည့်မိတော့ ကျွန်မမြင်တွေ့ချင်သည့် လေးနက်မှု၊ ကြင်နာမှု၊ အရေးတကြီး ဂရုစိုက်မှုတို့ကို လုံးဝမတွေ့ရဘဲရှိနေသည်။ ကျွန်မတွေ့ရသည်က ဘာကိုမှ အလေးအနက်မထားသည့် ပေါ့တန်သော အပြုံးနှင့် ရယ်မောသည့် မျက်လုံးများသာဖြစ်သည်။ ကျွန်မသည် ကျွန်မချစ်သူအပေါ် ပထမဦးဆုံးအကြီမ် သံသယ၀င်မိသည်။ ရုပ်ရှင်တွေ ၀တ္ထုတွေထဲမှာ ဇာတ်လိုက်မင်းသား ဇာတ်လိုက်မင်းသမီးကို အသက်အန္တရာယ်ကြားမှ သွားရောက်ရင်ဆိုင်ကာ ကယ်တင်ပေးသည့် အဖြစ်များကို ကျွန်မအလွန်အားကျကျေနပ်ခဲ့ဖူးသည်။ တစ်ကယ့်အဖြစ်မှန်မှာတော့ ကျွန်မအဲ့သည်လို မျှော်လင့်၍ ရနိုင်ပါ့မလား။

“ ရေနစ်တဲ့လူကို ဆယ်ရင်း ရေကူးရတာလွယ်ပါ့မလား…………ကိုမိုး……….. ဟင် ”

ကျွန်မအလေးအနက်မေးမိတော့ သူက ပုခုံးတွန့်၏။

“ သိပ်တော့မလွယ်ဘူး အံ့ ရဲ့ ….. ငါ ကလေးတစ်ယောက်ရေနစ်တာကို ဆယ်ဖူးတယ်………ဟား….အရမ်းပင်ပန်းတာပဲ…ငါ့ဖြင့် ငါပါသေပြီလို့အောက်မေ့တာပဲ……လှိုင်းလုံးတွေက ကမ်းနဲ့ဝေးအောင်တွန်းတွန်းပို့နေတာကိုး………..ဒါတောင် ကလေးက ရှစ်နှစ်…ကိုးနှစ်အရွယ်ဗျ……ဒါပေမယ့် ကမ်းပေါ်ရောက်တော့ ငါသတိလစ်လုမတတ် မောနေပြီ…..သူများအသက်ကယ်တယ်ဆိုတာ နာမည်တော့ကောင်းပါရဲ့  အံ့ရယ်………လူကတော့သေလုမျောပါးပဲ……..”

ကျွန်မသူ့ကို မယုံသင်္ကာဖြင့်ကြည့်မိသည်။

“ ကိုယ်ရေနစ်ရင် ယူတကယ် ဆယ်မှာလား….ဟင် ”

“ ဖြစ်ရလေ အံ့လည်းရေနစ်မှာမဟုတ်ဘူး……မော်တော်လည်း အခု ဘာမှဖြစ်တာမဟုတ်ဘူး……ဘာတွေလာမေးနေတာလဲ…”

“ဟင့်အင်း….အံ့မေးတာကိုဖြေ……ယူဆယ်မှာလား….မဆယ်ဘူးလား…”

သူမျက်မှောင်ကြုတ်ကာရယ်လေသည်။

“ဆယ်ဖို့အခြအနေပေးရင် ဆယ်မှာပေါ့ အံ့ ရဲ့ ….ငါနဲ့ နင်နဲ့ အဝေးကြီးမှာလည်း မဟုတ်ဘူး…..မော်တော်လို…လှေလို ပစ္စည်းကြီးမျိုးနဲ့လည်းခြားမနေဘူး……..နင့်ကိုလည်း မြင်နေရတယ်ဆိုရင် ငါဆယ်မှာပေါ့ဟာ….”

“အခြေအနေမပေးရင် ဒီအတိုင်း ပစ်ထားမှာပေါ့…………ဟုတ်လား ”

ကျွန်မပြုံးဖို့ကြိုးစားလျက် မပြုံးနိုင်တော့ဘဲ အသံမတုန်အောင်သာကြိုးစားထိန်းချုပ်လိုက်ရသည်။

“ယူက ကိုယ့်အတွက် အသက်မစွန့်နိုင်ဘူးပေါ့…”

သူသည်ပထမတော့ ရယ်မောတော့မလို့ဘဲ…သို့သော် ကျွန်မအား တအံ့တသြ ကြည့်ပြီးနောက် မရယ်မောတော့ဘဲ ခေါင်းတယမ်းယမ်းဖြစ်နေသည်။

“ အံ့……ဒါတစ်ကယ်ဖြစ်နေတာမဟုတ်ဘူးလေ……အံ့ …နင်လည်းဘာမှမဖြစ်ဘဲနဲ့…”

ကျွန်မသည် သူ့ကို စူးစိုက်စွာကြည့်ရာက ရုတ်တရက် မျက်နှာလွှဲပစ်လိုက်မိသည်။ သို့သော် မော်တော်စက်ပျက်နေစဉ်တုန်းက သူ့မျက်လုံးတွင် ကျွန်မမြင်လိုက်ပြီးပြီပဲ…….အဖြေကို ကျွန်မသိပြီးပြီလေ….သူသည် ကျွန်မအကြောင်းကို အစဉ်သဖြင့် ခေါင်းထဲထည့်ထားသူမဟုတ်……ကျွန်မရေမကူးတတ်ပါလား ဟု သတိရမည့်သူမဟုတ်….ကျွန်မအတွက် သူ့ကိုယ်သူ ဆင်းရဲဒုက္ခတွင်းသို့ ဆင်းသက်မည်သူမဟုတ်…ကျွန်မလိုအပ်သမျှ အရာရာကို ဖြည့်ဆည်းပေးဖို့ လေးနက်သူမဟုတ် …နက်မှောင်သော သူ့မျက်ဝန်းများသည် ရယ်ရွှင်စရာကိုသာ လိုက်ရှာနေမည့်မျက်ဝန်းမျိုး……အန္တရာယ်ကြုံလျှင် ကိုယ်လွတ်ရုန်းပြေးမည့် မျက်ဝန်းမျိုးပါ……..သေချာပါသည်။ သူသည် ကျွန်မအတွက် အသက်စွန့်မည့်ဟန်တစ်စက်မျှမရှိပါ။

“ အံ့…..ရေနစ်တဲ့အကြောင်းကြီးတွေးနေတုန်းလား…”

သူက ကျွန်မ၏လက်ဖျားများကို လူအလစ်တွင် ဖျတ်ခနဲ ထွေးဆုပ်၍ ခပ်ပြုံးပြုံးမေးသည်။

ကျွန်မခေါင်းယမ်းကာ တစ်ချက် ရယ်မောမိသည်။ ထို့နောက် သူ့လက်ထဲမှ ကျွန်မလက်ကို မသိမသာ ဖြည်ယူလိုက်ရသည်။ သူ့လက်အထိတွင် ကျွန်မ ဟိုယခင်ကလို ရင်ခုန်စွာ မကြည်နူးးမိသည်မှာ ဘာကြောင့်လဲ ….

အန္တရာယ်ကြုံတွေ့လိုက်ရလို့….ကျွန်မ၏ ကြောက်ရွံ့ တုန်လှုပ်သွားမှုကြောင့်ပဲလား…ဒါဖြစ်ရောဖြစ်သင့်ပါရဲ့ လား…..မော်တော်စက်ရပ်သွားရခြင်း….လှိုင်းလေထန်ကာမော်တော် ယိမ်းထိုးလှုပ်ခါခြင်း…….၎င်းတို့သည် ကျွန်မချစ်သူနှင့်ကျွန်မအကြားရှိ နွေးထွေးချစ်ခင်မှုကို အေးစက်စိမ်းကားအောင် ဘယ်လောက်အထိ အကျိုးသက်ရောက်စေနိုင်မှာပါလိမ့်…….

“ ဟား……….နောက်ဆုံးတော့ ဘေးမသီ ရန်မခဘဲ ပြန်ရောက်ပြီပေါ့…..နင်တော့မသိဘူး…ငါဖြင့် ဆာလိုက်တာ အံ့ ရာ…”

ကမ်းပါးမှာ ကပ်မိသောအခါ သူသည် ပေါ့ပါးရွှင်ပျသွား၏။ ကျွန်မသည် ထုံပေပေခြေလှမ်းများဖြင့် မော်တော်မှ ဆင်းရန် ဟန်ပြင်မိသည်။ ကျွန်မသည် ဘာကိုမှ မခံစားနိုင်သလို အူကြောင်ကြောင်ကြီးဖြစ်နေခဲ့၏။ သူကမ်းစပ်ကိုခုန်ဆင်းပြီးနောက် ကျွန်မခုန်ဆင်းရန် သူ့လက်ကိုကမ်းပေးလိုက်ပါသည်။ စောစောတုန်းဆီက သူ့လက်များကို ကျွန်မအားကိုးတကြီး ဆုပ်ကိုင်ပြီး သူ့ခွန်အားအပေါ် ယုံကြည်စိတ်ချစွာ ခဏခဏ ဆင်းခဲ့ဖူးသည်။ ကြည်နူးပျော်ရွှင်ခဲ့ဖူးသည်။ ကျေနပ်နှစ်သိမ့်ခဲ့ဖူးသည်။ ယခုအခါ သူ့လက်သည ကျွန်မအား မည်သည့်ခွန်အားကိုမျှ မပေးတော့ချေ။ သို့သော် ထိုလက်ကိုပင် ဟန်မပျက် ဆုပ်ကိုင်၍ ကျွန်မသဲပြင်ကမ်းစပ်သို့ ခုန်ဆင်းချလိုက်သည်။

ကျွန်မရင်ထဲမှာတော့ အတွေးတစ်ခုတည်းရှိ၏။ ကျွန်မ ရေကူးသင်မှ ဖြစ်မည်။ 

( ဂျူး ) 

ကတွတ်သီး နှင့် ကတွတ်ယို

ပြည်မှာပေါ်နေတဲ့ ကတွတ်သီး၊ ကတွတ်ယို ...............

ကတွတ်သီးဟာ O သွေးပိုင်ရှင်တွေအနေနဲ့ အစားသင့်ဆုံး အသီးတစ်မျိုးထဲမှာပါတယ်

ဟု http://myatmhanlay.blogspot.com/2009/04/blog-post_28.html တွင် ဖတ်ရသည်။

တစ်ပတ်ကို ကတွတ်သီး လေးလုံးလောက်မှီဝှဲခြင်းသည် ကိုယ်ခန္ဓာရှိ pH ပမာဏကို ညှိနှိုင်းထားပြီး ရောဂါပိုးမွှားများ ၀င်ရောက်ကူးစက်ခြင်းမှ တားဆီးထားသည်။ ကတွတ်သီးမှာ ပါသည့် အမျှင်ဓာတ်သည် အင်ဆူလင် ပမာဏနှင့် သွေးတွင်း အချိုဓာတ်ပမာဏတို့ကို ကျဆင်းစေကာ ဆီးချိုဖြစ်ပွားမှုကိုလည်း လျော့နည်းစေသည်။

ဟု http://glorious-flower.blogspot.com/ တွင်ဖတ်ရသည်။

ဒီအချက်တွေမသိခင် ဟိုးငယ်ငယ်ကလေးက ကတွတ်ယိုထုတ်လေးတွေကို မက်မောစွာဝယ်စားဖြစ်ခဲ့တယ်။ စားလိုက်ရင် ဇီးထုတ်လို စွန့်ပစ်စရာမပါတာရယ်။ ၀ါးစားရင် ကျလိကျလိဖြစ်တာရယ် ကို သဘောကျလို့ စားဖြစ်ခဲ့တယ်။
ခု ပြည်မှာတာဝန်ကျတော့ ကတွတ်သီးပေါ်ချိန်ဆို အသီးတွေဝယ်၊ သကြားနဲ့ ကိုယ့်စိတ်ကြိုက်နှစ်သက်သလိုထိုးစားဖြစ်တယ်။ စိတ်ကြိုက်ထိုးပြီး မိသားစုအတွက်လည်းလက်ဆောင်ပေးဖြစ်တယ်။ ရောင်းတန်းကကတွတ်ယိုကိုပေးတာထက် ကိုယ်တိုင်ထိုးတဲ့ ကတွတ်ယိုကိုပေးရတာ ပိုနှစ်သက်လာတယ်။

ယိုထိုးနည်းကတော့.............

ဈေးက၀ယ်လာတဲ့ ကတွတ်သီးလေးတွေကိုတော့ သဲစင်အောင် ရေနိုင်နိုင်နဲ့ဆေးရပါမယ်။
သဲစင်အောင်ဆေးပြီးသားအသီးလေးတွေကို လိုသလို ထက်ခြမ်းခွဲ၊ သို့မဟုတ် လေးစိပ်ထိုးပြီး ယိုထိုးမယ့်
ဒယ်အိုး ( သို့ ) ဒန်အိုးထဲထည့်ပြီး အပေါ်ကသကြားဖြူးပြီး ထိုးလိုက်တာပါပဲ....။တစ်ချို့ ကတော့ သကြားကိုကြိုပြီးမှကတွတ်သီးထဲ သကြားရည်နှင့်ထိုးကြသည်။ ဤသို့ထိုးခြင်းက အချိန်ပိုကြာစေသောကြောင့်မဂျီးကတော့ သကြားကောကတွတ်သီးကော ရောထိုးလိုက်တာပဲ...........။

ကတွတ်သီးအလုံးတစ်ရာကို သကြားအစိတ်သားနဲ့ ဆားအနည်းငယ်ထည့်ပြီး ဒယ်အိုးထဲ ထည့်မွှေ၊ ရေခမ်းတော့မှ သံပုရာသီးလေးညှစ်ထည့်လိုက်တော့ အရောင်၊ အနံ့အရသာနဲ့ပြည့်စုံတဲ့ ကတွတ်ယိုလေးရသွားပြီ။ ကိုယ်တိုင်ထိုးတော့ ရေခမ်းခြောက်အောင်ထိုးတယ် ဘာဓါတုဗေဒဆေးမှမပါဘဲ ကျန်းမာရေးနဲ့ပြည့်စုံတဲ့ကတွတ်ယိုလေးဖြစ်တာပေါ့.........။

ကတွတ်သီးတွေမှာ အချိုသီးနဲ့အချဉ်သီး ဟု ၂ မျိုးရှိသည်။
ထို့ကြောင့် သကြားကို ချင့်ချိန်ပြီးထည့်သင်ပါသည်။ 





ထမင်းစားပြီး ကတွတ်ယိုလေးနည်းနည်းလောက် စားလိုက်တာနဲ့ ရင်ချောင်ပြီး အမောကိုပြေစေတယ်။

ရွှေတမာ

အကယ်၍သာ သမီးလေး ခင်မာလာ မွေးဖွား၍မလာပါလျှင်လည်း ဦးထွန်းအေးအဘို့ ထိုမျှစိတ်ပူပန်မည်မဟုတ်ပေ။

    ယခုမှာမူ သမီးလေးကိုမွေးသည့်နေမှစ၍ သူသည် အစဉ်ပူပန်ခဲ့သည်။

    ယနေ့ညလိုအခါမျိုးတွင် အိပ်၍ပင်မရနိုင်လောက်အောင် စိတ်မှာလှုပ်ရှား၍နေပေသည်။ သူ့သမီးလေးသည် အသက်၂၀ပင်ပြည့်ပေတော့မည်။ ထိုအနှစ်၂၀ကာလ

ပတ်လုံး သူသည်စိတ်ပင်ပန်းမှုဝေဒနာကို အစဉ်ခံစား၍လာခဲ့ရပေသည်။

   အိပ်ခန်းမှထ၍ ဘေးတံခါးမကြီးမှ သူသည်ခြံတွင်းသို့ဆင်းလာခဲ့သည်။

မိုးဦးဖြစ်၍လေထဲတွင် မိုးသက်နံ့သည်ပါလာခဲ့လေသည်။ အိမ်ထဲတွင် ပူအိုက်သလိုဖြစ်နေပေသည်။ သူသည် စပယ်ရုံများဘေးရှိခုံတန်းပေါ်တွင်ထိုင်၍ လေကိုမှန်မှန်ရှူနေသည်။

  

မိုးသားများမရှိသေးခင် လ သည်ဝင်းပစွာသာနေသည်။ သူ့မျက်လုံးများသည် စပယ်ပွင့်များပေါ်သို့ ရောက်သွားသည်။ လ ရောင်တို့ဖြင့် ပွင့်အာလာကြပြီဖြစ်သော

စပယ်၏ ငွေဝတ်လွှာများမှာ ရက်ရက်စက်စက်ပင် လှ ပ နေပေသည်။ ချိုအေးသော ရနံ့သည် သူ့ပတ်ဝန်းကျင်ဝယ် သင်းပျံ့ နေ၏။သစ်ရွက်များလည်း ငွေရောင်တောက်၍ ဖြေးညှင်းစွာ

လှုပ်ရှား၍နေပေသည်။

     ထိုကဲ့သို့လှပသော ညများတွင် သူသည် မခင်သူနှင့် တွေ့ခဲ့သည်မဟုတ်ပါလော။ နူးညံ့ပြေပြစ်၍ ယဉ်ယဉ်လေးနှင့်ချောမွေ့သော မခင်သူ၏မျက်နှာကို လ ရောင်အောက်တွင်တွေ့ခဲ့ရလေသည်။

တီးတိုးစွာ နှီးနှောနေကြသည့် ချစ်သူစကားသံတို့မှာ ထိုစဉ်ကနှစ်သိမ့်၍မဆုံးခဲ့ပေ။

     ယခုလို စပယ်ရုံနားမှာတော့ မဟုတ်ပေ။ သူတို့နှစ်ဦးတွေ့စဉ်က မခင်သူတို့၏ခြံထဲရှိ ယုဇနပင်အောက်မှာဖြစ်ခဲ့သည်။ လ ရောင်မှာ ယုဇနရွက်များကြားမှ ကွက်၍ထင်နေသည်။ ညဉ့်၏လေတွင်

ယုဇနပွင့်ရနံ့သည်သင်းပျံ့ လှသည်။ များသောအားဖြင့် သူက ချစ်စိတ်မွှန်တတ်သည်။ မခင်သူလေး၏လိမ္မာမှုကြောင့်ပင် သူတို့ကျူးကျူးလွန်လွန် မဖြစ်ကြ။ ထိန်းသိမ်းနိုင်ခဲ့ကြသည်။

   ငယ်ရွယ်သူချစ်သူချင်း ယခုလိုတိတ်ဆိတ်သောညတွင် တွေ့သည်မှာ ချမ်းမြေ့ရွှင်လန်းဘွယ်ကောင်းသလောက်၊ ကြောက်စရာအခြေအနေဆိုးကိုလည်း ဖန်တီးပေးနိုင်သည်။

မခင်သူက ဓမ္မဆန်ပေသည်။ များသောအားဖြင့်လည်း ဓမ္မကြောင်းကိုယှဉ်၍ပြောတတ်၏။သူသည်မခင်သူ၏ပါးနုနုလေးကို သူ့ပါးနှင့်အပ်၍ ချစ်စိတ်မွှန်တိုင်းပြောချင်ရာပြောခဲ့သည်။

 “ မေမေတို့က သဘောမတူလဲ _ ခင့်ကိုမောင်က ရအောင်ယူမှာဘဲ။ ခုတောင်နောက်ကောလိပ်မှာ ၃-နှစ်ဘဲနေရတောပမယ် ”

သူသည်ဒါတွင်မက ဘယ်လောက်ချစ်ကြောင်းကိုလည်း ဋီကာချဲ့ တတ်သေးသည်။ သို့သော် မခင်သူကမူ သူ့ရင်ခွင်ထဲမှ လမင်းကိုမော်ကြည့်ရင်းပင် ဓမ္မဆန်ဆန်ပြောတတ်သည်။

“ လူတွေတောင်မှမမြဲကြပါဘူးမောင် ၊ အချစ်ဆိုတာလဲ သင်္ခါရပါဘဲ။ တကြိမ်တခါမှာ မုန်းချင်လဲမုန်းပေမှာပါ။ ဘယ်နဲ့လုပ်ပြီးမောင်ဟာ ခင့်ကိုတသက်လုံး ချစ်ရမယ်လို့ ခင်ကပြောနိုင်မလဲ။ ပြီးတော့လဲ ခင်နဲ့မောင်က ခုမှတွေ့ကြဒါ--မိဘဆိုဒါက တသက်လုံးပြုစုကျွေးမွေးပြီးစောင့်ရှောက်လာခဲ့ဒါ--မိဘစကားကိုတော့ဘယ်တော့မှ မလွန်ဆန်နဲ့ပေါ့ ”

မခင်သူကထိုသို့များပြောလိုက်လျှင် သူသည်ဆတ်ဆတ်ခါနာတတ်သည်။ သူယောက်ျားပီသကြောင်း၊သစ္စာမဖောက်ကြောင်းများကို တသီကြီးပြောတတ်သည်။

ဒီလိုပြောလျှင်လဲ မခင်သူက ပြုံးပြုံးလေးပင်နေတတ်သည်။

ဒါပေမင့်--- နောက်ပိုင်းတွင် သူသည်မခင်သူအားသစ္စာဖောက်ခဲ့သည်။

မလိမ့်တပတ်လုပ်၍စွန့်ပစ်ခဲ့ပြီး နွဲ့နွဲ့ရီကိုယူလိုက်သည်။ အတိတ်များသည် တခုပြီးတခုပေါ်လာတိုင်း သူ့စိတ်လှုပ်ရှားမှုသည် ပြင်းပြလာသည်။

သူသည်ယခု ဦးထွန်းအေးဖြစ်၍ မခင်သူသည် ဒေါ်ခင်သူဘ၀ကိုရောက်၍နေပေသည်။ ပထမတော့ သူသည်မခင်သူ၏ အချစ်ကိုဖောက်ဖျက်လိုက်စဉ်က သစ်ရွက်တရွက်ချွေပစ်သလောက်ပင် စိတ်ထဲတွင် အမှတ်မထားခဲ့။

သို့သော် ခင်မာလာမွေးလာသည့်နေ့တွင်  ‘ သမီးလေး ‘ ဟုဆိုလိုက်ကထဲက ရင်ထဲတွင်ထိန်းကနဲဝင်ဆောင့်လိုက်သည်။

“ ဘုရား --ဘုရား ”   သူသည် ဘုရားပင် တ လိုက်မိသည်။ မခင်သူအပေါ်တွင် သစ္စာဖောက်ခဲ့သလို၊ မခင်သူ စိတ်ဆင်းရဲအောင်သူလုပ်ခဲ့သလို၊ သူ့သမီးလေးအပေါ်တွင် တစုံတယောက်က စော်ကားမှာကို သူအင်မတန်မှ စိုးရိမ်လာသည်။

သူ့မှာသမီးနှင့် ဖြစ်လာပေပြီ။ သူသည် ယခုတော့ တွေးခေါ်တတ်လာရပေမည်။ အခြေအနေကသူမတွေးယင်လည်းမဖြစ်တော့ပေ။ ခင်မာလာမှာ ပန်းပွင့်လေးလိုလှသည်။ သည်လိုလှလေလေ သူကစိတ်ပူလွန်းလေဖြစ်သည်။

တခါတခါတွင်လည်း ဒေါ်နွဲ့နွဲ့ရီအားသမီးအတွက်စိုးရိမ်ကြောင်းကို ပြောတတ်သည်။

“  အော် ဒက်ဒီနဲ့ကွယ်--သမီးကလိမ္မာပါတယ် ”

သူ့ဇနီးမှာ ခေတ်ဆန်သူပီပီ သူ့ကိုဒက်ဒီဟုခေါ်သည်။ သူရင်ထဲတွင်ပိုဆိုးသွားသည်။ မခင်သူသည်လည်း လိမ်လိမ်မာမာနှင့် ရိုးရိုးသားသားပင်ဖြစ်သည်။

လရောင်မှာ အနည်းငယ်မှိန်သွား၍ သူ့အတွေကိုရပ်နားလိုက်ကာ ကောင်းကင်ကိုမော့ကြည့်လိုက်သည်။ မိုးသားတက်လာ၍ မိုးဖွဲလေးပင် တပေါက်နှစ်ပေါက် ကျလာသည်။ ထိုင်နေရာမှထပြီးလျှင် သူမချစ်တော့ပြီဖြစ်သော မခင်သူကို သတိရနေပြန်သည်။ သူသည်မိုးစိုမှာစိုး၍ မခင်သူကို ယုဇနပင်အောက်မှာ ထွေးနေတတ်သေးသည် မဟုတ်ပါလော။

သူသည် တဖြည်းဖြည်းသူဝင်ခဲ့သော ဘေးတံခါးမကြီးမှာ ရပ်၍မှေးမှိန်နေသော လရောင်နှင့် ပြင်ပကိုလှမ်း၍ကြည့်နေမိပြန်သည်။

“   ဟင်  ”   သူ့ အသံများပင် ထွက်သွားတော့သည်။ သူမြင်နေရသည်မှာ တကယ်မှပင် ဟုတ်ပါလေစ။ တကယ်တော့ တကယ်ဘဲဖြစ်သည်။

ပိတောက်ပင်အောက်တွင် ယောက်ျားလေးနှင့် မိန်းခလေးနှစ်ယောက်မတ်တပ်ရပ်၍ ဖက်ထားသည်။ တဖက်မှဝင်နေသော လရောင်ဖြင့် မိန်းခလေးကို သူကောင်းစွာ မြင်ရသည်။ မိန်းခလေးမှာ သူ့သမီး ခင်မာလာဖြစ်သည်။ ယောက်ျားပျိုသည် သူ့သမီးကိုယုယစွာနမ်း၍ အပြင်သို့ထွက်သွားသည်။ မကြာခင်ပင် သမီးလေးခင်မာလာမှာ မှောင်ရိပ်တွင် ပျောက်ကွယ်သွားတော့သည်။

သူသည် ကြိုးစား၍ အိပ်ရာခန်းသို့ ရောက်အောင်လာရသည်။ ပြီးလျှင် အိပ်ပျော်အောင် မနဲလုပ်နေရသည်။ သူရဲချောက်ခံနေရသလို ဖြစ်နေတော့သည်။

သူ့ကိုယ်သူ ၀ဋ်လည်ပြီဟု ထင်နေသည်။

“   ဘုရား သိကြားမလို့ မခင်သူအပေါ် ငါစော်ကား မိတာတွေတော့ သမီးလေးအပေါ် မကျရောက်ပါစေနဲ့  ”

သူသည် ကတုန်ကယင်ပင်ဆုတောင်းနေမိသည်။ ­

                                x                               x                           x

ဒေါ်ခင်သူ၏ခင်ပွန်းမှာ ဦးအောင်ကျော်ဖြစ်သည်။ Collective Farming ကို ပုံဖော်နိုင်ရန်အတွက်

ဦးအောင်ကျော်မှာ သူငယ်ချင်းများနှင့် စုပေါင်း၍ လုပ်ငန်းတခုကို တည်ထောင်ထားသူဖြစ်သည်။

‘  ပြည်သူ့ကောက်ပဲသီးနှံ ရောင်းဝယ်ရေးလီမိတက်   ‘   တွင်မန်နေဂျာဖြစ်ပေသည်။ သူတို့သည်ဆန်စပါးတွင်မက ကြက်ငှက်မွေးမြူရေးနှင့် ရှမ်းပြည်တွင် စည်သွပ်ဘူးလုပ်ငန်းများလုပ်ကိုင်ရာတွင် အတော်တိုးတက်လာပေသည်။ သူသည် လယ်သမားတွေနှင့်လည်း ရောနှောနေသည်။ ကျွဲနွားတွေနှင့်လည်း နေတတ်သည်။

ယနေနံနက်မှာ တနင်္ဂနွေနေ့ဖြစ်သော်လည်း ဦးအောင်ကျော်သည် အစည်းအဝေးတခုအတွက် မနက်အစောကြီးပင် သွားစရာရှိလေသည်။

သူအ၀တ်အစားလဲနေစဉ်တွင် ဒေါ်ခင်သူသည် အနီးသို့ရောက်လာလေသည်။

ဒေါ်ခင်သူမျက်နှာကြည့်ရသည်မှာ နွမ်းနယ်နေပုံရသည်။

“   ခင် ညတုန်းက အိပ်လို့မရဘူးလား ”

ဒေါ်ခင်သူမှာ ညက တကယ်ပင်အိပ်၍ မရပေ။

“  ဟုတ်တယ် အကိုကြီး၊ သားအကြောင်း စဉ်းစားနေမိလို့ပါ ”

“  ခင်ကလဲကွာ  သားက  မငယ်တော့ပါဘူး ။ သူ့ သူငယ်ချင်းအ်ိမ်မှာ အိပ်မယ်ဆိုရင် အိပ်မဲ့အကောင်ပါ။ ညကလယ်မှာ မဟုတ်ပါဘူး။ သူပြန်လာလို့ အိပ်ချင်နေသေးယင်လဲနေပေစေ။

မအိပ်ရင်တော့ ၉ နာရီလောက် ကျယင် ကားနဲ့အကိုကြီးဆီ လွှတ်လိုက်နော်။ အကိုကြီးခုတော့လမ်းလျှောက်သွားမယ် ”

ဦးအောင်ကျော်သည် အ၀တ်အစားလဲပြီး ထွက်သွားတော့သည်။ ဒေါ်ခင်သူမှာ ခြံအတွင်း လမ်းလျှောက်ရင်းပင် သားအကြောင်းကိုစဉ်းစားနေမိသည်။ အထူးသဖြင့် ညက ဦးထွန်းအေးကို တညလုံး သတိရနေသည်ဆိုလျှင် ပိုမို၍မှန်ပေလိမ့်မည်။

“  ခင်ရာ တခါတော့ အတွေ့ခံစမ်းပါ။ မောင့်သူငယ်ချင်း အိမ်မှာ ဘုန်းကြီးဆွမ်းကျွေးရှိတယ်ဆိုပြီး၊ မောင်ညဘက် သူငယ်ချင်းအိမ်မှာအိပ်ရင်း ခင်နဲ့လာတွေ့မယ်  ”

ဦးထွန်းအေးသည် သူ့ကိုဒီလိုဘဲ ပြောခဲ့သည်။ မိဘများကိုလည်း ဆွမ်းကျွေးကိုအကြောင်းပြ၍ အိမ်မှထွက်လာတတ်သည်။ သူ့သားလေးရော ညကများ သူ့ချစ်သူဆီ သွားနေမည်လား….

ဦးထွန်းအေး၏သစ္စာဖောက်မှုကြောင့် ဦးထွန်းအေးအား ကြိုးစား၍မေ့ဖျောက်ပစ်ပေမင့် ဒေါ်ခင်သူအဖို့မှာ တသက်သက်ပင်ဖြစ်နေလေသည်။

သားဦးလေးပင် အသက် ၂၄ နှစ်ကျော်ခဲ့၍ ယခုနှစ်ဆို Bs.c အောင်တော့မည်။ သူကတော့ ဦးထွန်းအေးကို မမေ့နိုင်ပေ။ ဒေါ်ခင်သူမှာ တနည်းအားဖြင့် ကံကောင်းသူဆိုရမည်။ ဦးအောင်ကျော်က သူ့အားငုံထားမတတ် ချစ်ရှာသည်။မခင်သူအပေါ်မှာ သစ္စာရှိပေသည်။ တကယ့်ယောက်ျားပီသပေသည်။

“  ခင်ရယ်….ကိုယ့်ကိုမှ သူကမချစ်တော့ဘဲဟာ၊ သိပ်စိတ်ဆင်းရဲမခံပါနဲ့ကွာ  ”

ဒေါ်ခင်သူတခါတလေ ငိုင်၍နေလျှင် ဒီလိုဘဲ ဦးအောင်ကျော်က ပြောတတ်သည်။ ဦးအောင်ကျော်သည် ဒေါ်ခင်သူဖြစ်ခဲ့သမျှကို အားလုံးသိသူဖြစ်သည်။

“    မေမေ  ”

သားခေါ်သံကြား၍ အတွေးရပ်ကာ ဒေါ်ခင်သူမှာ ခြံဝသို့လှမ်းကြည့်လိုက်၏။

“  ဟော --- သားပြန်လာပြီလား ”

ဒေါ်ခင်သူသည် ရှေ့ သို့တိုး၍ သားကိုဖက်လိုက်သည်။

“  ဖေဖေရော မေမေ---ကိုအေးဖေတို့သားကိုလိုက်ပို့တယ်။ ခြံဝကပဲပြန်လွှတ်လိုက်တယ်။ သူတို့ဧည့်သည်တွေလိုက်ပို့ရအု့းမယ်  ” စကားပြောနေသောသားမျက်နှာကို ဒေါ်ခင်သူက အကဲခတ်သလိုကြည့်၏။

“  ဖေဖေ အစည်းအဝေးသွားတယ်။ ဒီနေ့ မေမေနို့ထမင်းကျိုထားတယ်----ကဲ---ကဲ---လာ  ” 

ဒေါ်ခင်သူသည် သားကိုထမင်းစားခန်းသို့ခေါ်သွားသည်။ နို့ထမင်းနှင့်ကော်ဖီပြင်ခိုင်း၍ သူ့သားအနီးမှာ သူထိုင်နေသည်။

နံနက်ခင်း၏ နေရောင်ခြည်မှာ ပြတင်းမှဝင်၍ အခန်းထဲတွင်လင်းနေသည်။

နံနက်ခင်း၏နေရောင်ခြည်သစ်လို သူ့သားမျက်နှာသည် တောက်ပနေသည်ဟုထင်သည်။ စားပွဲပေါ်မှ နှင်းဆီဖြူကဲ့သို့ သူ့သားမျက်နှာသည် နုပျိုလန်းဆတ်သေည်ဟု သူကထင်သည်။

ကျော်သူသည် နို့ထမင်းသောက်ရင်း တချက်မျှသမ်းလိုက်သည်။

“  သား ညကကောင်းကောင်း မအိပ်ရဘူးထင်တယ် ”

ဒေါ်ခင်သူကမေးလျှင် ကျော်သူသည် ရုတ်တရက်မျက်နှာပျက်သွားရာမှ ဣနြေ္ဒဆယ်ကာ ပြန်ပြော၏။

“  အိပ်ရပါတယ် မေမေ၊ မနက်ကတော့ ၄ နာရီလောက် ထရလို့ပါ ”

ဒေါ်ခင်သူ စိတ်ထဲမှာထင့်သွားတော့သည်။ ဟုတ်ပါသည် ညက သူ့သားသည် အိပ်ရမည်မဟုတ်ပေ။

“  ခင်နဲ့တွေ့တဲ့ညဆို နောက်နေ့မနက်ကျ  သိပ်အိပ်ချင်ဒါဘဲ၊ ဒါပေမင့် မောင့်မှာတနေလုံး ဟန်ဆောင်နေရတယ်။ နေ့ခင်းအိပ်ယင် မေမေတို့က ညကအိပ်ပျက်လားဘာလား စစ်မှာစိုးလို့  ”

ဦးထွန်းအေးနှင့်သူ့တုန်းက ဒီလိုဘဲဖြစ်ခဲ့သည်။ ခေတ်များပြောင်းလဲကြသည်နှင့်အမျှ ၀တ်စားတန်ဆာ အနုပညာများ ဂီတများပြောင်းလဲသွားကြမည်ဖြစ်ပေသည်။

ချစ်ခြင်းဆိုသည်မှာတော့ ပြောင်းလဲပေလိမ့်မည်မဟုတ်။ ဦးထွန်းအေး နှင့်ဒေါ်ခင်သူငယ်စဉ်က ချစ်ကြသလိုပင်၊ ကျော်သူသည်သူ့ချစ်သူနှင့် ချစ်ပေလိမ့်မည်။

“  ကဲပါလေ----သားခဏမှိန်းလိုက်ယင် ကောင်းမယ်။ မေမေတော့ မင့်ဖေဖေဆီ ကားနဲ့သွားကြိုဘို့ ၀င်းမောင်ကို ပြောလိုက်အုံးမယ်  ”

ဒေါ်ခင်သူသည် နောက်ဘက်လှေခါးမှ ခြံထဲသို့ဆင်းသွားသည်။

“   ညက သိပ်လှဒါ။ လ ကလဲ ၀င်းနေဒါဘဲ ၊ သားမျာတော့ ချစ်သူရှိနေပါပြီလေ----  ” ဒေါ်ခင်သူသည် တယောက်တည်း တွေးတော့သည်။ ကားလွှတ်ပြီး၍ အိမ်ထဲသို့ပြန်လာ၏။

သူ့သား အိပ်နေသောအခန်းသို့ဝင်သွားမိသည်။ ကျော်သူသည်မအိပ်သေး စောင်ခြုံ၍ ပက်လက်လှန်နေသည်။ ပြတင်းမှလေအေးများလည်း အထဲသို့ဝင်နေလေသည်။

ညက ခင်မာလာနှင့် တွေ့ခဲ့သော အချိန်များသည် သူ့နှလုံးသားကို ရိုက်ခတ်နေသည်။ မျက်စိမှိတ်လိုက်တိုင်း ခင်မာလာ၏ ပါးဖြူဖြူနုနုလေးကို မွှေးခဲ့ရပုံများမှာ ထင်ထင်ရှားရှားပေါ်လာသည်။ သူသည် စောင်ကိုလှစ်၍ မျက်လုံးဖွင့်လိုက်၏။

“ မေမေ “       သူလန့်သွားသလို အော်လိုက်၏။

ဒေါ်ခင်သူမှာ သူ့ဘေးတွင် မားမားကြီးရပ်နေသည်။

“  သားတော့ အိပ်နိုင်မှာ မဟုတ်ပါဘူးကွယ်  ”

ဒေါ်ခင်သူက ပြုံး၍ပြောလိုက်၏။

ကျော်သူသည် မလုံတော့ပေ။ မျက်နှာသည်ည်း မထားတတ်သလိုဖြစ်လာတော့၏။ မော့ကြည့်လိုက်တိုင်း မေမေ၏ ပြုံးပြုံးကြိးဖြစ်နေသော မျက်နှာမှာ “ သားညကဘာလုပ်သလဲဆိုဒါ မေမေ သိပါတယ် ” ဟုပြောသလိုဖြစ်နေတော့သည်။ သူသည် ငုတ်တုတ်ထထိုင်လိုက်၏။

“  မေမေ  “

သူ့ဘေးတွင် ဒေါ်ခင်သူမှာထိုင်နေသည်။

“  သားမှာ ချစ်သူရှိနေပြီ  ”

ဒေါ်ခင်သူက မတုန်လှုပ်ပါ။ နကိုကပင် ရိပ်မိပြီးဖြစ်သည်။

“  အေးပေါ့ -----ဘယ်သူလဲ----ရှေ့ နှစ်ဆို သားလဲ ကျောင်းထွက်ရမှာဘဲ  ”

“   သားယူမဲ့ မိန်းမက ခင်မာလာတဲ့။ လယ်ဝန်ဦးထွန်းအေး သမီးဘဲ  ”

“   ကိုထွန်းအေး သမီး ဟုတ်လား  ”

 ဒေါ်ခင်သူမှာ ဒီတခါတော့အတော် တုန်လှုပ်သွားသည်။ ယခုဘ၀တွင် တဖန်ပြန်၍ မျက်နှာ်ချင်းသော်မှ မဆိုင်လိုတော့ပြီဖြစ်သော ကိုထွန်းအေး၏ သမီးကိုမှ သူ့သားက သွား၍ ချစ်မိပေသည်။

“  သား ဖေဖေလာတော့တိုင်ပင်သေးဒါပေါ့လေ ”

ဒေါ်ခင်သူသည် အခန်းတွင်းမှထွက်လာသည်။

ဦးအောင်ကျော်ပြန်လာ၍ ထမင်းကျွေးနေရသော်လည်း သူစိတ်မပါလှပေ။ ထမင်းစားပြီး ပြီးချင်း သူ့အိပ်ခန်းကို တက်လာတော့သည်။ ဦးအောင်ကျော်မှာ နောက်မှဝင်လာ၍ ဒေါ်ခင်သူနှင့်အတူ ကုတင်ပေါ်မှာထိုင်လိုက်သည်။

“    ခင် -- နေမကောင်းပြန်ဘူးလား  ”

“   ကောင်းပါတယ်၊ အိပ်ချင်လို့  ”

“   ခင်က သားကို အစိုးရိမ်လွန်ဒါကိုး။ သားအိပ်ပြီလား ”

“   ဟုတ်တယ်  ”

ဒေါ်ခင်သူသည် စောင်တထည်ခြုံကာ လှဲအိပ်ရင်း ပြတင်းဘက်ကိုငေးနေသည်။

“  သားမှာချစ်သူရှိပြီ  အကိုကြီးရဲ့  ။ သူရှေ့ နှစ်ဆန်းမှာ လက်ထပ်ချင်တယ်ထင်ပါရဲ့  ။ ညကခင်ပြောဒါ မမှန်ဘူးလား။ သူ မအိပ်ဘူး  ”

“  ဘာကွဲ့  --- သားကမအိပ်ဘူး   ”

ဦးအောင်ကျော်သည် ဒေါ်ခင်သူပခုံးကို ဆွဲ၍ မေးလိုက်သည်။

“  ဟုတ်တယ်----ဒီလောက်လှတဲ့ညမှာ သားဟာ ခင်မာလာကိုသွားတွေ့ဒါပေါ့။ ခင်မာလာက ကိုထွန်းအေးသမီးတဲ့။ ခင်တော့ဖြင့် ခလေးတွေကို သနားတယ်။ ကိုထွန်းအေးကိုတော့ မျက်နှာချင်းမဆိုင်ချင်တော့ဘူး  ”

ဦးအောင်ကျော်သည် အတန်ကြာငြိမ်သက်နေရာမှ သူ့ဇနီးကို ဆွဲယူပွေ့ရင်း

“  ခင်မာလကို အကိုကြီးမြင်ဘူးပါတယ်။ ပညာလဲတော်သားဘဲ။ လိမ်မာပါတယ်တဲ့။ သတင်းတော့ကြားဘူးပါတယ်။ သားကမေတ္တာရှိနေဘီဘဲကွယ်။ ခင်ရယ်……တခုစဉ်းစားစမ်းပါ။   ကိုထွန်းအေးက ခင့်ကိုသစ္စာဖောက်ပြီး နွဲ့နွဲ့ရီကိုယူသွားတုန်းက ခင်ဘယ်လောက်စိတ်ဆင်းရဲရသလဲ။

သူ့မိဘတွေဘက် လိုက်သွားတာဘဲမို့လား ။ ခုလဲ သားကများ မယူယင် ခင်မာလာ ဘယ်လောက်စိတ်ဆင်းရဲရှာမလဲ။ ခင်စဉ်းစားလေ။ တို့များဟာ တရာမျှတတဲ့ မိဘဖြစ်အောင် ကြိုးစားရမှာဘဲ ခင်  ”

ဒေါ်ခင်သူသည် ငြိမ်သက်၍ပင်နေ၏။

                         ­x                                    x                                  x

ဦးထွန်းအေး၏ ဂဏာမငြိမ်မှု ရောဂါမှာ အိပ်ရာထဲကပင် ထ၍မရပေ။ နေ့ခင်း ၁၂ နာရီထိုးလေပြီ။ သူ့အမိန့်အတိုင်း ဒေါ်နွဲ့နွဲ့ရီမှာ သမီးကိုစစ်ဆေးနေသည်။ မကြာခင်ပင်သူ့ဇနီးသည် အခန်းထဲသို့  ဓါတ်ပုံတခုကိုကိုင်ရင်းဝင်လာသည်။

“  ကဲ---ဒက်ဒီရယ်---စိတ်သိပ်ပူမနေပါနဲ့။ ထစမ်းပါအုံး….  ”

ဦးထွန်းအေးကို အိပ်ရာမှ အသာဆွဲထူလိုက်သည်။

“  ဒီမှာ---ဒက်ဒီ့ သမက်လောင်း ကြည့်စမ်း။ မာမီအကုန်စုံစမ်းပြီးပြီ။ မန်နေဂျာ သူဌေးကလေး ဦးအောင်ကျော် ဒေါ်ခင်သူ ရဲ့ သားပေါ့  ”

ဦးထွန်းအေးသည် ဓါတ်ပုံကိုကိုင်ရင်း တုန်သွားသည်။ မေးရိုးကားကားနားရွက်ကြီးကြီးနှင့် မျက်လုံးမျက်ဖန်ကောင်းသည်။ အမေတူသားပင်ဖြစ်လေသည်။

“  ကောင်လေးက သူ့မိတွေကို ရှေ့ နှစ်ဆန်းမှာ လက်ထပ်ဘို့ပြောမယ်တဲ့ ဒက်ဒီမပူနဲ့တော့။ ဒီကောင်လေး ရိုးတာ တော်တာ ပိုက်ဆံရှိတာတွေဟာ အန်တီမြင့် စာရင်းထဲမှာ ရှိပြီးသားပါ။  ”

အန်တီမြင့်ဆိုသော အဒေါ်ကြီးမှာ လူဂုဏ်တန် မုဆိုးမကြီးဖြစ်သည်။ အထက်လွှာသားသမီးများကို စာရင်းလုပ်၍ ဖလှယ်ပေးနေသော မိန်းမကြီးဖြစ်သည်။ B.C.S.Class I, Class II များကိုလည်း သူ့စာရင်းထဲတွင် တွေ့နိုင်လေသည်။

ဦးထွန်းအေးသည်း ယခုထိ လှုပ်မရ။ သို့သော် စိတ်တော့အနည်းငယ်အေးသွားလေသည်။ သူ့လိုစော်ကားမည့်သူ မဟုတ်သည်ကိုပင် ၀မ်းထဲမှာ ကျိတ်၍၀မ်းသာမိသည်။

“  အေးလေ ဦးအောင်ကျော်နဲ့လဲ ဒက်ဒီနဲ့ခင်သားဘဲ။ စုံစမ်းသေးတာပေါ့ မာမီ  ”

“  အံ မယ်----ဒက်ဒီရယ်---အန်တီမြင့်လက်လွှဲလိုက်ရင် ပြီးတဲ့ကိစ္စပါ  ”

ဦးထွန်းအေးကမူ လက်ထဲမှ ဓါတ်ပုံကို ခုထိမချသေးပေ။

“  မခင်သူနဲ့တူလိုက်လေကွယ်  ”  သူသည် သူ့ဇနီးကိုပင်ပြောနေလေသည်။

ဒေါ်ခင်သူတုိ့က ဆင်းရဲသူများ မဟုတ်ပေ။ ခင်မာလာ နှင့် မောင်ကျော်သူ လက်ထပ်ရေးမှာ ချောမော၍လာလေသည်။ ယနေ့စေ့စပ်သည့်နေဖြစ်လေသည်။ ပရိသတ်များ အသီးသီးထပြန်သွားကြလေပြီ။ ဦးအောင်ကျော်မှာလည်း ဒေါ်နွဲ့နွဲ့ရီနှင့် စကားလက်ဆုံကျနေသည်။

ဒေါ်ခင်သူသည် ယွန်းသေတ္တာငယ် တခုနှင့်စာတအိတ်ကို ဦးထွန်းအေးအား ပေးခဲ့၍ နှုတ်ဆက်ကာထွက်လာခဲ့သည်။

“  ကဲ---အကိုကြီးရေ…..ခင်တို့ပြန်ကြအုံးစို့။ ခွင့်ပြုပါအုံးဒေါ်နွဲ့နွဲ့ရီ  ”

ဒေါ်နွဲ့နွဲ့ရီမှာ ပြုံး၍ ကျန်ရစ်သည်။ ဦးထွန်းအေးသည် ကားပေါ်သို့တက်သွားသော ဒေါ်ခင်သူ ဇနီးမောင်နှံကို ငေးနေသည်။ ဦးအောင်ကျော်၏ မေတ္တာစစ်ကို ခိုလှုံရသော ဒေါ်ခင်သူမှာ လန်းဆးတ်နုပျိုလျက်ရှိသေးသည်။

ရိုးသားသော အလှသည် ဘယ်တော့မှ မရိုးဆိုသလိုပင်၊ ဒေါ်ခင်သူသည် မရိုးသော အလှဖြင့် လှနေပေသေးသည်။

ဦးထွန်းအေးသည် အိပ်ခန်းသို့ဝင်လာ၍ သေတ္တာလေးကိုဖွင့်လိုက်သည်။ အထဲတွင် စာများဖိုင်တွဲလျက်တွေ့ရသည်။ ငယ်စဉ်က သူရေးခဲ့သော ‘ ချစ်သမျှကို ‘ စာများ--ဖြစ်လေသည်။ တော်ပေသည်။ သူကတော့ မခင်သူ စာများကို မီးမြှိုက်ပစ်ခဲ့လေသည်။ စာများအောက်မှ သူလူပျိုတုန်းက ဓါတ်ပုံဖြစ်သည်။

သူသည် နောက်ဆုံးလက်ထဲရှိ စာအိတ်ကို ဖောက်၍ ဖတ်လိုက်သည်။ စာရွက်ပေါ်တွင်ကား ဒေါ်ခင်သူ လက်ရေးဖြင့်

                           မဲဇလီပင်ပျိုအောက်

                           ပေါက်လာတဲ့ ရွှေတမာ

                           ခါးချက်ကနာ

                           ရေစီးရယ်တခါ

                           ရေသာရယ်တလှဲ့ 

                           သူများလို တို့မရိုင်းတယ်

                           တိုင်းသိပါရဲ့  ။

ထိုကဗျာကလေးဘဲ ပါလာလေသည်။

“   ရေးတော့ မခင်သူ ----ရေးတော့------ရေးနိုင်ပါတယ်။ မောင်က ခါးခဲ့မိပေတာကိုး  ”

သူသည် ကြေကွဲစွာပင် ပြောလိုက်ပါသည်။

  ခင်နှင်းယု                                                                                     ၁၉၅၃ - ဧပြီလ

( ကြေးမုံရိပ်သွင် ) ၀တ္ထုတိုများ

မှတ်ချက်=== ဆရာမကြီးဒေါ်ခင်နှင်းယု၏ (စာပေဗိမာန်ဆုရ ကြေးမုံရိပ်သွင် ၀တ္ထုတိုများစာအုပ် ) ဒုတိယအကြိမ် ထုတ်ဝေသော စာအုပ်ထဲမှ မူရင်းအရေးအသားတိုင်း ပြန်လည်ကူးယူထားခြင်းဖြစ်ပါသည်။ ယနေ့ခေတ်မြန်မာစာလုံးပေါင်းသတ်ပုံနှင့်ကွဲလွဲနေသည်များလည်း ရှိပါသည်။ ထိုခေတ်ကသုံးနှုန်းသောအရေးသားကို သိရှိစေလိုသောကြောင့် ပြင်ဆင်ခြင်းမရှိဘဲ ကူးယူခြင်းဖြစ်ပါသည်။

ဒေါင်းလုတ်လိုချင်သူများအတွက် အောက်မှာလင့်ခ်ပေးထားပါသည်။

http://www.mediafire.com/download/3cqhu3vwmbb3zub/shwe_ta_mar1.pdf

မြွေနိမိတ်...............

ဒီနေ့ ကျောင်းထဲမှာ ထူးခြားမှုအနေနဲ့ မြွေနှစ်ကောင်တွေ့ရတယ်..............
ဂိတ်ဂျူတီကျနေတဲ့အချိန်
နေ့လည်၁၀း၄၀လောက်မှာ ၀န်ထမ်းအစ်မကြီးမတင်ဝင်းဆီက မြွေကြီးမြွေကြီးလို့အော်သံကြားတာနဲ့
ဘယ်မှာလည်းလို့အပြေးလေးသွားကြည့်တော့ လားလား..........နည်းတဲ့မြွေကြီးပါလား ရှည်တာလည်း
အရှည်ကြီးပဲ..........မဂျီးလက်နှစ်ဖက်ဘေးကိုဆန့်ထားတာထက်ကိုပိုရှည်တဲ့မြွေကြီး .......လူသံကြားတော့
သူလည်းအလန့်တကြားထွက်ပြေးသွားတယ် မြက်တောထဲကိုပေါ့.....
ဝန်ထမ်းအစ်မကြီးတွေနဲ့အတူ မဂျီးလည်းနောက်က တကောက်ကောက်လိုက်မိတယ်.....မလှမ်းမကမ်း သဲသဲကွဲကွဲမြင်ရတဲ့
အကွာအဝေးကနေလိုက်ကြည့်မိတယ်..............အမယ် မောင်မင်းကြီးသားက မြက်တောထဲကနေ
ခေါင်းလေးအသာထောင်ကြည့်တော့ လိုက်ကြည့်တဲ့သူအားလုံး ကိုယ်ရှိန်သပ်ပြီး ခေါင်းထောင်တယ်ဟ......ဒါဆို  မြွေဟောက်လို့ သတ်မှတ်လိုက်ကြတယ်။
မဂျီးလည်းအသေချာမမြင်လိုက်ဘူးလေ   ဘာမြွေလည်းမသိဘူး ဆိုတဲ့အတွေးနဲ့ အသာသူ့နောက်ကထပ်ကြပ်မကွာလိုက်ကြည့်တော့......
မြက်ထူထူနေရာမှာ သူက နောက်တစ်ခေါက်ခေါင်းလေးထောင်ကြည့်တော့ ဒီတစ်ခါ မြွေဟောက်အမှတ်အသားဖြစ်တဲ့ လည်ပင်းကအမှတ်မတွေ့ဘူး 
အာ..........ဒါ မြွေဟောက်မဟုတ်ဘူး လင်းမြွေနေမှာ ဆိုပြီး ပိုချစ်ခင်စိတ်ဝင်သွားတယ်
မြွေဟောက်ဆို နည်းနည်းတော့ကြောက်တယ် လင်းမြွေဆိုရင်တော့ မကြောက်ရေးချာမကြောက်
လင်းမြွေက သဘောကောင်းတဲ့မြွေလေ........လှလည်းအင်မတန်လှတယ်....
မုံရွာတုန်းကအဆောင်ပတ်ပတ်လည်မှာ ကင်းစောင့်တတ်တဲ့လင်းဝါကြီးကိုသတိရလိုက်မိတယ်......
သူ့ကိုနံမည်ပေးထားတယ် မြွေမင်းသားလို့.........အပျိုဆောင်ဆရာမတွေအဆောင်မှာလာပြီးစောင့်ရှောက်လို့
အမယ် သူက ရာသီဥတုပူရင် ဆရာမတွေရေချိုးတဲ့ရေကန်မှာခွေခွေလေးအပူငြှိမ်းနေတာလေ...........
အေးရာအေးကြောင်း သူကဟိုဘက်ခြမ်းမှာခွေ ကိုယ်ကဒီဘက်ခြမ်းမှာ အ၀တ်လျှော်ရေချိုးနဲ့ ဟုတ်လို့............ဟိ
(အမှန်ကသူရှိမှန်းမသိဘဲ တစ်ပွေထဲ ရေသူမလုပ်ပြီးသီချင်းတွေအော်ဆိုနေတာ ဒင်းကဟိုဘက်ကနားထောင်ပြီးဇိမ်နဲ့နှပ်......
ကိုယ်ပြီးလောက်ပြီဆိုမှ သူက ရှလောဆိုပြီး...........ထွက်သွားတာလေ နားငြီးတဲ့ဒဏ်မခံနိုင်လို့ထင်ပါ့.......... ဟိ )
သူသွားပုံက ယိမ်းနွဲ့ ပြီးဘယ်လိုကြည့်လို့ကောင်းမှန်းကိုမသိဘူး......
ရှည်လွန်းတဲ့  ကိုယ်ထည်ပြည့်ပြည့် ဖြိုးဖြိုး နဲ့ မြီးတန်သွယ်သွယ် ယိမ်းနွဲ့ပြီး ခေါင်းလေးမော့မော့နဲ့သွားတာ သိပ်လှတယ်....
နေရောင်အောက်မှာ ပြေးသွားလိုက်တာများ......မည်းနက်ပြီးပြောင်နေတာပဲ.........
အုပ်ကြွပ်မိုးအကျိုးပဲ့ ပုံထဲဝင်တိုးလိုက်ပြီး သူ့ကိုယ်လုံးကြီးကို ဖွက်ထားတာတဲ့လေ....
သန့်ရှင်းရေးဝန်ထမ်းဦးလေးကြီးလာပြီး အုပ်ကြွပ်မိုးအကျိုးပုံကို ဖွလိုက်တော့ သူက ဟိုဘက်ဝင်း စစ်တပ်ဝင်းထဲ ၀င်ပြေးတာများ ......သနားစရာ...............
စိတ်ထဲမကောင်းလိုက်တာ......ကိုယ့်အိမ်သားသူများအိမ်နောက်ပါသွားသလိုခံစားလိုက်ရတယ်......
အဖြစ်ပျက်က ၅ မိနစ်လောက်အတွင်းမှာ ဖြစ်ပျက်တွေ့ကြုံလိုက်ရတာမို့ အဆောင်ပြန် ကင်မရာယူပြီးမရိုက်လိုက်ရတာနာလိုက်တာလို့ တဖွဖွပြောနေမိတယ်.......
နေ့လည်ထမင်းစားချိန်အဆောင်ပြန် ထမင်းစားတော့ မျက်စေ့ထဲကမထွက်ဘဲ  သူ့ပြေးဟန်နဲ့ သွားဟန်ကို ..........မြင်နေမိတယ်.....
တွေ့သမျှလူတွေကိုလည်းပြောပြနေမိတယ်........မြွေကြီးကအရှည်ကြီးပဲသိပ်လှတာပဲ........လို့ပေါ့.......
ကြားတဲ့လူတွေကတော့ စိတ်ထဲကနေ မဂျီးကိုဂေါက်နေလားမသိဘူးလို့ထင်မှာသေချာတယ်.....
တစ်ဆက်တည်းမှာပဲ မှန်ပုံးလေးနဲ့ သူ့ကိုမွေးထားချင်စိတ်ပေါက်လာတယ်................
နေ့လည်ထမင်းစားပြီးကျောင်းပြန်မတက်ခင် အဆောင်ကနေ ကျောင်းပေါ်ပြန်တက်လာလည်း  သူ့ပဲမြင်ယောင်နေတုန်း............


ညနေမစောင်းတစောင်းမှာ ထပ်ပြီး အဲ့ဘက်ကိုယောင်လည်လည်ထွက်မိတော့.........မတင်ဝင်းကပဲ အနှင်း မြွေကြည့်အုံးမလားလို့မေးတာနဲ့
ဟင်.............ဟိုမြွေပဲလား ထပ်တွေ့တာလားလို့ စပ်စုအတွေးနဲ့ ရောက်သွားတယ်............
မရောက်ခင်စပ်ကြားလေးမှာပဲ သန့်ရှင်းရေးတစ်ယောက်ရဲ့  တုတ်နဲ့မြေကြီးကိုတဖုန်းဖုန်းရိုက်နေတာမြင်တော့
အာ.......... သတ်နေတာလား ရိုက်နေတာလားလို့ ပြောပြောပြေးပြေးသွားမိတာ မမှီတော့ဘူး............
ခေါင်းကိုရိုက်ထားလို့ သွေးမထွက်ဘဲ  ငြိမ်သက်နေတဲ့ မြွေလေးတစ်ကောင်...........ခုဏက လင်းမြွေကြီးမဟုတ်တော့ဘူး
ဘာမြွေလည်းလို့မေးတော့.........မြွေလက်ပတ် တဲ့ ( စာလုံးပေါင်းမှားချင်မှားလိမ့်မယ် )
သန့်ရှင်းရေးအစ်မကြီးတစ်ယောက် မြက်နှုတ်လိုက်တာ သူ့ခိုက်မိလို့ အဲ့အစ်မကြီးလက်ကိုထိသလားမထိသလားမသိလိုက်ဘူးဆိုတဲ့
ပြောသံတွေတော့ ကြားနေရတယ်....
သူ့တွေ့တဲ့နေရာကလည်း ခုဏက လင်းမြွေကြီး ခဏ ၀င်ပုန်းတဲ့ အုပ်ကြွပ်မိုးအကျိုးပဲ့ ပုံမှာပဲ.............
စိတ်ထဲ တော်တော်တော့မကောင်းဖြစ်သွားတယ် သူတို့ကလည်း အန္တရာယ်ရှိတဲ့မြွေဆိုးမျိုးဝင်မို့ ရိုက်သတ်လိုက်တာပါတဲ့ ..........
နောက်ပြီး သန့်ရှင်းရေးအစ်မကြီးထိ မထိကလည်းမသိသေးဘူးလေ.......
ခေါင်းကချွန်ပြီး  အမြီးကတုတ်တိုနေတာကိုး................
ဒါနဲ့ ဒီထက်မရိုက်ပါနဲ့တော့ ပစ်လည်းမပစ်ပါနဲ့အုံး ကင်မရာယူပြီးဓါတ်ပုံရိုက်ထားပါရစေဆိုပြီး အဆောင် အမြန်ပြန်ပြီး ကင်မရာယူ အပြေးအလွှားရိုက်ယူရတယ်...
နေကလည်းနည်းနည်းပူနေတော့ အလင်းပြန်လို့ အရိပ်ထဲရွှေ့ပြီး သေချာမှတ်တမ်းတင်မိတယ်...........









(အသက်မရှိတော့တဲ့ မြွေလေးကိုလက်ကကိုင်ပြီးမရိုက်လိုက်မိဘူး.........ထပ် နာပြန်ပြီကွာ...)
ကိုယ်ထည်ကနေ့လည်မှာတောင် ခရမ်းရောင်ပြေးနေပြီး သိပ်လှတယ်...........
အကွက်စိပ်စိပ်လေးတွေနဲ့ အသေချာအနီးကပ်ကြည့်ရင် အကြေးကွက်လေးတွေက အသည်းပုံလေးတွေလည်းပါတာတွေ့ရတယ်.......
မယုံရင်အနီးကပ်Zoomဆွဲကြည့်......
ငါ့ဝမ်းပူဆာမနေသာလို့ အစာရှာထွက်တာ အစာတောင်မကြေသေးဘူး ဇိဝိန်ကချုပ်ရှာတယ်...............
စိတ်ထဲကနေ ပြုထားသမျှလေး ကမန်းကတန်းအမျှတန်းပေးဝေမိတယ်.......
သနားလိုက်တာ စိတ်ထဲလေးလေးပင်ပင်နဲ့ ပျော်ရွှင်တဲ့စိတ်တွေမရှိတော့ဘဲဖြစ်သွားတယ်..............

သူ့ကို မဂျီးတို့ အဆောင် ရေချိုးကန်နားမှာ ညည ခဏခဏတွေ့ရတယ်.........အနောက်သွားတဲ့အခါ ဓါတ်မီးလေးကိုင်သွားရတယ်.......
သူ့လိုအကောင်မျိုးတွေ့ရင်မှောင်တာနဲ့ သိပ်မမြင်ရဘူးလေ......
သူ့မြင်ရင်လည်း သူကအမှောင်ထဲမှာ ဓါတ်မီးရောင်အောက်မှာ သိပ်လှတယ် သူ့ကိုယ်ထည်အကြေးခွံကခရမ်းရောင် မရမ်းရောင်တွေပြေးနေတာ .......
အရောင်ကိုထွက်လို့...........
သူကိုက်လို့ ဒါမှမဟုတ် သူပေါက်တာခံရရင် လူက ချက်ခြင်းမသေဘဲ အရိုးတွေအဆစ်တွေ တစ်ဆစ်ချင်းပြုတ်ပြီးဆွေးကျပြီးမှသေတာတဲ့ ........
သူက မြွေဆိုးမျိုးနွယ်ဆိုတာ ဖြစ်နိုင်တယ်..........လူသံကြားရင် အမြီးကိုခွေလိုက်ပြီး ငြိမ်နေတော့တာပဲ.........သူ့ကိုတို့လိုက်ရင်လည်းမပြေးဘူး.........
ငြိမ်နေတယ်........ဒါကြောင့်လူတွေက သူ့ကိုပဲရှောင်ထွက်ပေးရတယ်........ခဏနေသွားပြန်ကြည့်မရှိတော့ဘူး.........ထွက်သွားပြီလေ........

ဆိုးတဲ့အရာများ လူနဲ့တိရိစ္ဆာန်အတူတူပဲ.......လူတွေဆိုလည်း ပေကပ်ကပ်နဲ့ ကန့်လန့်တိုက်ချင်ကြတယ်နော်...........
ဒါလုပ်ဆိုမလုပ်ချင်ဘူး ဒီမသွားနဲ့ဆိုသွားချင်တယ်
ကဲ.........သွားဆိုရင် မသွားတော့ဘူး ထုံပေပေနဲ့..........သူလည်းဆိုးတဲ့သတ္တ၀ါအမျိုးစားထဲပါတော့ ဇာတ်သိမ်းမလှတော့ဘူးပေါ့..........
နေ့လည်ကတွေ့တဲ့  လင်းမြွေကျတော့ သူကသဘောကောင်းတဲ့ မြွေမျိုးဆိုပြီး အကောင်းဇယားထဲထည့် သတ်မှတ်ကြတယ်လေ..........
ဒီတော့ ကဲ ပြေးပြေး လွတ်ရာကျွတ်ရာမှာသွားနေ နင့်လည်းငါတို့ဘာမှမလုပ်ဘူး နင့်နေရာနင်နေဆိုပြီး ဇိဝိတဒါန လုပ်ကြတယ်လေ.............
တစ်ဝမ်းတစ်ခါးကြောင့်အဆာရှာထွက်သူအချင်းချင်း ကံကြမ္မာက မတူတော့ဇာတ်သိမ်းတွေလည်းမတူကြဘူးပေါ့......နော်
ဒီအကြောင်းအရာ နှစ်ခုကို ချိန်ထိုးပြီး တနင်္လာနေ့ နဲ့ အင်္ဂါနေ့ မဂျီးရဲ့  ၀မ်းမနာသားတွေကို ပြောပြပြီးဆုံးမရမယ်...........
လူတစ်ယောက်နဲ့တစ်ယောက်က  ဖြစ်တည်လာကြတာချင်းတူပေမယ့် ရပ်တည်ပုံချင်းမတူဘူး
သူတို့က မြွေသတ္တ၀ါမို့ ကံကိုပြုပြင်လုိ့မရကြတော့ဘူး။
ရလာတဲ့ ကံကြမ္မာအတိုင်းဇာတ်သိမ်းကြရတယ်.......
အဲ လူအဖို့ကတော့ ကံဆိုတာလူကပြုလုပ်ရတာမို့ ကံမကောင်းဘူးလို့ကိုယ့်ကိုကိုယ်ထင်နေတဲ့သူတွေက
ကံကို အချိန်မှီပြုပြင်ရင် ကံပြန်ကောင်းပြီး ဇာတ်သိမ်းလှမယ် ဆိုပြီး လူနဲ့ တိရိစ္တာန်ကွဲပြားမှုကို ဆုံးမအုံးမှ...................
ကိုယ်က ဆုံးမစကားအခွန်းတစ်ရာပြောမိလို့ သူတို့နားထဲ တစ်ခွန်းလောက်ဝင်ပြီး ဆင်ခြင်ကာ မှတ်မိတယ်ဆိုရင်ပဲ အမြတ်ထွက်ပြီး ကျေနပ်နေရတာပါ။
ကိုယ်လေကုန်တာကတော့အရင်းပေါ့.........:)

မဂျီးအတွက်က မြွေမြင်ရင် နိမိတ်ပဲလေ...............
ဒါကြောင့် ဒီနေ့ မြွေနှစ်ကောင်ထူးထူးခြားခြားတွေ့တော့ ဘာတွေများသတင်းတွေကြားပြီးဘာတွေများဖြစ်မလဲလို့ စိုးထိတ်နေတာ...........
ည ပုံမှန်လုပ်ရိုးလုပ်စဉ်လုပ်နေတုန်း အိမ်ကိုအရမ်းသတိရလို့ရယ်  တစ်ယောက်တည်းသမားမို့ သံယောဇဉ်ကပဲတွယ်တတ်တာလားမသိတော့ပါဘူး.............
အဖေ့ဘက်ကဆွေမျိုးတွေရှိရာ မော်လမြိုင်ကညီမဆီဖုန်းခေါ်ပြီး စကားတွေပြောနေလို့
အဲ့ ညီမက အံ့သြနေတယ်..........မဆက်စဖူးဆက်တာကိုး............အဖေ့ဘက်ကဆွေမျိုးတွေနဲ့ပတ်သက်ရင် ကိုယ့်ဘက်ကပျက်ကွက်မှုတွေအများကြီးမို့ ဒီတစ်ခါ
သေချာဖုန်းလေးဆက်ပြီး ညီမကို ဆုံးမစကားပြောမိတယ်............သူကတော့ အံ့သြပြီး ဟုတ်ကဲ့ နေတာပဲ..........

တစ်ခါ အောင်ဆန်းမှာရှိတဲ့ အနေဝေးတဲ့ ညီမဆီလည်းဖုန်းဆက်ပြီး  တစ်ချိန်ကကိုယ့်အန်တီ ဖြစ်ခဲ့တဲ့
သူ့အမေနေမကောင်းလို့ဆေးရုံတင်ရတယ်ဆိုတာ သက်သာမသာ လှမ်းမေးမိပြန်တယ်..........
ဒါတွေလုပ်ပြီးမှ တစ်ခါ မီးပူတိုက်ရင်းနဲ့ ကျောက်မြောင်းကအစ်မဆီသတိရလို့  ဖုန်းထဆက်တော့ အစ်မက ငါလည်းသတိရနေတာတဲ့ ...........
အရင်းအချာတွေမဟုတ်ပေမယ့် စိတ်ချင်းတွေက ဆက်နေတယ်လေ............တစ်ဦးမေတ္တာတစ်ဦးမှာ ဆိုတဲ့အတိုင်းပေါ့............
နင်ဘာလို့ဆက်တာလည်း နေကောင်းရဲ့ လား နင့်အမေတို့ဆီကော ဆက်ရဲ့ လားဆိုတဲ့မေးခွန်းတွေမေးပြီး
သူက နင်ဟိုသတင်းသိပြီးပြီလားလို့မေးတယ် ထိတ်သွားတဲ့ရင်နဲ့ ဘာသတင်းလည်းလုိ့ပြန်မေးမိတယ်.........
အစ်မလုပ်သူက တွေတွေဝေေ၀နဲ့ ပြောသင့်မပြောသင့်ချိန်နေပြီး အဘွားဆေးရုံတင်ထားရတယ်တဲ့...............
ဒီနေ့ နေ့လည်ကတင်လိုက်တာတဲ့ ငါတို့လည်းသေချာမသိသေးဘူးတဲ့ ဆိုလို့ ဒါဆို ညီမဆရာဝန်မကိုဖုန်းဆက်လိုက်မယ်ဆိုပြီး ဆက်တော့ စိတ်မပူရပါဘူးတဲ့
စိတ်မပူရအောင် ဆေးရုံတင်ထားလိုက်တာပါ မစိုးရိမ်ရဘူးဆိုိလို့ အမေနဲ့ခဏဖုန်းပြောရင်းငိုမိတယ်.............
အဒေါ်နာရေးတုန်းက အသုဘတောင်မမှီလိုက်တာ ခုထိ စိတ်မကောင်းဖြစ်တုန်း..............
ဒါကြောင့် လက်လှမ်းမှီရာ လှမ်းအကြောင်းကြားတော့ ဒဂုံဆိပ်ကမ်းမှာနေတဲ့ ညီမဆီလည်း လှမ်းအကြောင်းကြားမိတယ်။

သူကို ဒဂုံတက္ကသိုလ်တက်တုန်းကဆရာမတွေဖုန်းနံပါတ်ကိုစုံးစမ်းခိုင်းထားတာ ရပြီဆိုလို့ တီချယ်တွေဆီ ဆက်သွယ်ကြည့်ပြီး
ခု ဖုန်းဆက်တဲ့သူဘယ်သူလည်းဆိုပြီး ပဟေဋ္ဌိဖွက်တော့ အမလေး..............သိပ်ချစ်ဖို့ကောင်းတဲ့ တီချယ်တွေ.............
ဒီအသံရင်းရင်းနှီးနှီးကြားဖူးတယ်တဲ့.....ဆိုပြီး ခဏလေးနေတော့ မဂျီးဘယ်သူဆိုတာသိသွားရော်........သိပ်ချစ်ဖို့ကောင်းတာများ ထတောင် ခုန်မိတယ်.........
တီချယ်၂ယောက်လုံးက အဆက်သွယ်အရမ်းပြတ်နေတဲ့သူတွေနော်..........တစ်နှစ် နှစ်နှစ် ပြတ်တဲ့ အဆက်သွယ်မဟုတ်ဘူး
တီချယ်ဒေါ်နွယ်နွယ်လတ်ဆိုရင် ၃နှစ်ကျော်ပြီ မတွေ့ရတာ တီချယ်နဲ့က မဂျီးမုံရွာကနေ ပြည်ကွန်ပျူတာကိုအပြီးပြောင်းတော့ ကားတစ်စီးထဲမှာ
ဘေးချင်းတူတူကျပြီး ရန်ကုန်တူတူပြန်လာကြတဲ့ ဆရာတပည့်...........တမင်ချိန်းထားတာမဟုတ်ဘဲ တိုက်ဆိုင်တာများ.......အံ့ကိုသြချလို့..........
ဆရာတပည့်၂ယောက်ကားတစ်စင်းလုံးမှာ ၂ယောက်တည်းပါလာသလားမှတ်ရတယ်......
ပြောလိုက်တဲ့စကား ဖောင်ကိုဖွဲ့လို့...........ဒါကြောင့်တီချယ်က သူ့တပည့်မ ဘယ်မှာဘယ်လိုတာဝန်ကျလည်းဆိုတာသိနေတာ...........
အဲ့ကတည်းက မတွေ့တော့တာ ခု ဖုန်းဆက်တော့မှ အသံကိုပြန်ကြားတာတောင် မှတ်မိနေတယ်.........
ကဲ............ဘယ်လောက်ချစ်ဖို့ကောင်းလဲ............

နောက်တီချယ် ဒေါ်နှင်းဆီချိုချို ဆိုရင် မဂျီး မဟာဝိဇ္ဖာပြီးကတည်းက ကွဲသွား အဆက်သွယ်ပြတ်သွားတာ............... နှစ်ပေါင်းများစွားကြာညောင်းနေပြီ....
ဖုန်းထဲမှာ ပဟေဋ္ဌိဖွက်တော့လည်း သမီးက သမီးက နဲ့ .......နောက်လည်းကြာရော်..........
ဟော..........မိုးမိုး ဆိုပြီး မှတ်မိသွားတယ်..........နံမည်အရင်းတောင်မှတ်မိသေး...............
ကဲ.........အဲ့တာပဲကြည့်တော့ နှစ်ဘယ်လောက်ကြာကြာ ချည်ခဲ့ကြတဲ့ ဆရာတပည့်သံယောဇဉ်ကြိုးက ဘယ်လောက်ခိုင်မာလည်းဆိုတာ ချက်ခြင်းတန်းသိတယ်...
ဒါတောင် စာအသေချာသင်ခဲ့ရတာမဟုတ်သေးဘူး..............တီချယ်တို့ကမြင်ဆရာကြားဆရာတွေပေါ့.........
ဒါပေမယ့်ကောင်းနိုးနိုးရာရာကိုညွှန်ကြားပြသသင်ပေးခဲ့လို့ သင်ဆရာထဲလည်းပါတာပဲ...............
တီချယ်ကပြောတယ်.........ဒီလိုမှတ်မိတာ ဘယ်သူ့အမေမို့လို့လည်းတဲ့.................
ဟုတ်ပါတယ်...........တီချယ်နဲ့ မဂျီးတို့ဟာ တစ်ချိန်က အမေနဲ့သမီး ညီမနဲ့အစ်မကြီးတွေလို အရမ်းချစ်ခင်ရိုသေခဲ့တာ............
တီချယ်တို့ဆို တပည့်တွေဘယ်လောက်ဆိုးဆိုး မျက်နှာတစ်ချက်မပျက်ခဲ့ကြဘူး.........အပြုံးလည်းမပျက်ခဲ့ကြဘူး........ဒေါသလည်းမထွက်ခဲ့ကြဘူး...........
ကိုယ်တွေတပည့်တွေဆိုတာလည်း ဆိုးသာဆိုးခဲ့ကြတာလေ........တစ်ခါဖူးမှ ကိုယ်အမူအရာ နှုတ်အပြောအဆို နဲ့ မစော်ကားမရိုင်းစိုင်းခဲ့ကြဘူး.......
ကိုယ်သင်ရ မသင်ရ မြန်မာစာဌာနကဆရာ၊ ဆရာမတွေက ကိုယ့်မိသားစုလို့သတ်မှတ်ထားခဲ့တာ...........
ဒဂုံတက္ကသိုလ် ဌာနပေါင်းစုံက ဆရာ၊ဆရာမတွေလည်း ထိုနည်းလည်းကောင်းပဲ........
လမ်းမှာ ဘယ်လိုဆရာ၊ဆရာမပဲတွေ့တွေ့ ဘေးလေးအသာကပ်လမ်းဖယ်ပေးပြီးကိုယ်လေးယို့ပေးကာလမ်းပေးလိုက်မိတယ်
ခေါင်းလေးကလည်း အသာယာငုံ့လို့ပေါ့.......ကြောက်ရတဲ့ဆရာ၊ဆရာမဆို လမ်းမှာမျက်နှာချင်းတောင်အဆိုင်မခံဘူး
ဟိုးရှေ့ရှေ့ကလာနေတာမြင်တာနဲ့ ငါဘယ်လမ်းကလစ်ရင်ကောင်းမလဲ ဆိုပြီး ရှောင်တော့တာပဲ။
ဒါတောင် ဆရာ၊ဆရာမက ဆူတာငေါက်တာကြိမ်းမောင်းတာ လုပ်တာမဟုတ်ဘူးနော်.........
ဆူဆဲကြိမ်းမောင်းစရာလည်းမလိုအောင် အလိုလိုကိုယ့်အသိစိတ်ဓါတ်နဲ့ကိုယ် ဆင်ခြင်နေတတ်ခဲ့ကြတယ်။
ဒီကြားထဲ ကိုယ့်ဘာသာကဆုံးမလမ်းညွှန်မှုတွေကို အသေချာလိုက်နာခံယူခဲ့ကြတာ........
ဆရာ၊ဆရာမရဲ့ အကြည့်လေးတစ်ချက်ရရင်ကိုပဲ စိုးထိတ်နေတာ..........အဲ့လို ရိုသေလာခဲ့တဲ့တပည့်တွေ.............
ကိုယ်တွေတုန်းက ချစ်၊ကြောက်၊ရိုသေ ဆိုတဲ့ စကားကိုလက်ကိုင်ထားပြီးကျင့်သုံးခဲ့တာ............

တီချယ်တို့ရဲ့ မေတ္တာကြောင့် အဘွားဆေးရုံတက်နေရတယ်ဆိုတဲ့ စိတ်ကြေကွဲမှုဆိုးရိမ်မှုက သက်သာသွားတယ်.........
မြွေမြင်ရင် နိမိတ်ဖြစ်တယ်ဆိုတဲ့ မဂျီး    သေသွားတဲ့ မြွေလက်ပတ်မြွေကြောင့် အဘွားရဲ့စိတ်မချမ်းသာစရာသတင်းကြားရတယ်.............
ပေးခဲ့မိတဲ့ အမျှကြောင့်ပဲအဘွားက အရမ်းအဆိုးကြီးမဟုတ်တာလို့ထင်လိုက်မိတယ်..........
ဘာလို့ဆိုတော့ အဘွားဆေးရုံတက်တဲ့အချိန်က သူတို့ကိုတွေ့တဲ့အချိန်ဖြစ်နေတာကိုး..............စိတ်ထဲကနေ ကြိတ်ပြီး ကျေးဇူးတွေတင်နေမိတယ်.......
နောက်ပြီးလင်းမြွေကြီးကိုမြင်တော့ ပျော်ရွှင်ကြည်နူးပြီးရတဲ့ ခံစားမှုက တီချယ်တို့နဲ့ပြန်အဆက်သွယ်ရတဲ့ ခံစားမှုနဲ့ ထပ်တူပဲ............
ဒီလို နိမိတ်တွေဖြစ်စရာရှိလို့လားမသိဘူး ဒီရက်ပိုင်းမှာ စိတ်ထဲက မြွေအကြီးကြီးတစ်ကောင်လောက်မြင်ချင်လိုက်တာလို့ ခဏခဏ တိုးတိုးညည်းမိတယ်.....
သူများတွေအဖို့က မြွေဟာကြောက်စရာ အသည်းယားစရာ ထ်ိတ်လန့်စရာ သတ္တ၀ါတစ်ကောင်ဖြစ်ပေမယ့်
မဂျီးအတွက်က မြွေသတ္တ၀ါကိုမြင်ရခြင်းသည် မဂျီးရဲ့  ကံကြမ္မာနဲ့တစ်နည်းတစ်ဖုံပတ်သက်နေတယ်လို့ အမြဲယုံကြည်မိတယ်........
ဒီရက်ပိုင်းစိတ်တွေလည်း ရှုပ်ထွေးပြီး ဘာကိုမကျေနပ်ဖြစ်ပြီးဘယ်သူ့ကိုမှ အယုံကြည်မရှိဖြစ်နေတာ ............
ဒီလိုစိတ်မျိုးတွေ ဖြစ်ပြီဆိုရင် မဂျီးပတ်ဝန်းကျင်ရဲ့ မလှမ်းမကမ်းမှာ အမြဲမြွှေသတ္တ၀ါတွေတွေ့နေမိတယ်.........
မတွေ့မိရင်တောင် ပါးစပ်က ထုတ်ဖော်ပြောလိုက်ပြီးမကြာဘူး..........တွေ့တော့တာပဲ..............သူတို့လည်း သိပ်ချစ်ဖို့ကောင်းတယ်.........
သူတို့ကိုတွေ့မြင်ပြီးသကာလမှာ မဂျီးစိတ်လည်းပေါ့ပါးလန်းဆန်းပြီးကျေနပ်မှုအမြဲဖြစ်သွားခဲ့တယ်........................


1:16 AM 6/7/2013